Ukrayna Təhlükəsizlik Xidməti Luqanskın keçmiş meri Manolis Pilavovu məhv edib.
APA xəbər verir ki, bu barədə UNN Ukrayna Təhlükəsizlik Xidmətindəki mənbəyə istinadən məlumat yayıb.
O, partlayıcı maddənin işə düşməsi nəticəsində ölüb.
Pilavov qondarma "Luqansk Xalq Respublikası"nın ideoloqlarından hesab edilib və onun barəsində axtarış elan olunubmuş.
***
16:47
Luqanskın keçmiş meri şəhərin mərkəzindəki partlayışda həlak olub.
APA Rusiya mediasına istinadən xəbər verir ki, partlayış bu gün səhər saatlarında baş verib.
Partlayış nəticəsində bir nəfər ölüb, daha üç nəfər yaralanıb.
İlkin məlumatlara görə, ölən Luqanskın keçmiş meri Manolis Pilavovdur. Pilavov 2014-2023-cü illərdə şəhərin meri olub.
İstintaq Komitəsi hadisə ilə bağlı cinayət işi açıb.
