Kollektiv Təhlükəsizlik Müqaviləsi Təşkilatı (KTMT) Bakı ilə İrəvan arasında sülh müqaviləsinin imzalanmasına ümid edir.
APA-nın Rusiya bürosu xəbər verir ki, bunu KTMT Baş katibi İmanqali Tasmaqambetov təşkilatın Parlament Assambleyasıb Şurasının Bişkekdə keçirilən iclasında bildirib.
Onun sözlərinə görə, Qafqazda müəyyən müsbət irəliləyişlər var.
"Bu, Ermənistan Respublikası və Azərbaycan Respublikası arasında danışıqların başa çatması və iki ölkə arasında dövlətlərarası sənədin mətni üzrə razılaşma haqqında bəyanatdır. Biz sənədin mümkün qədər tez imzalanmasına və onun həyata keçirilməsinin Cənubi Qafqazda sülh və sabitliyə yol açacağına ümid edirii”, - KTMT Baş katibi qeyd edib.
