Şəkər xəstəliyi ilə bağlı yeni tapıntı - Professordan müjdə!

  Şəkər xəstəliyi ilə bağlı yeni tapıntı haqqında açıqlama verilib. “Sherg.az” “Milliyet.com.tr”yı istinadən bildirir ki, türkiyəli həkim, professor Osman Müftüoğlu sağlamlıqla bağlı paylaşdığı faydalı məlumatlara daha birini əlavə edib. Professor qeyd edib ki, şəkər xəstələri insulin iynəsi vurmaq əvəzinə şokolad yeyə bilər. Professor əmindir ki, bu xəbər şəkər xəstələrini sevindirəcək. O.Müftüoğlu tibb elmindəki bu yeniliyi biotexnologiyanın nano-texnologiya ilə birləşməsiylə izah edib. İndiyədək şəkər xəstələrinə qanda şəkərin miqdarını normada saxlamaq üçün insulin iynəsi vurdurmaq tövsiyə edilirdi. Amma aparılan elmi araşdırmalar şokoladın qanda şəkəri normada saxladığını sübut edib. Bunu Norveç və Avstraliya alimləri tədqiq edib. Alimlərin ortaq çalışmaları nəticəsində nano-texnologiyadan istifadə edilərək bir parça şokoladın daxilinə insulin molekulları yerləşdirilib. Bu da qanda şəkərin miqdarını normada saxlamaq üçün yetərlidir. Alimlər hesab edir ki, nano-texnologiyanın üstünlükləri şokolad parçasının daxilinə insulin yerləşdirilməsinə imkan verir. Bu üsul təqdir edilərsə, şəkər xəstələri üçün xüsusi şokoladlar istehsalına başlanacaq. Və şəkər xəstələri də bu sevimli şirniyyatı ürəkləri istədiyi qədər yeyə biləcəklər.