Azərbaycanda daha bir nəfər xəstəlikdən ölüb.
Bakupost.az xəbər verir ki, hadisə Saatlı rayonunda qeydə alınıb.
Saatlı şəhər sakini, 2004-cü il təvəllüdlü Pərvanə Xəyalqızı qızdırma və öskürəklə rayon xəstəxanasına yerləşdirilib.
Həkimlərin müdaxiləsinə baxmayaraq Pərvanə vəfat edib.
İlkin olaraq onun kəskin ağciyər çatışmazlığından öldüyü bildirilir.
Faktla bağlı araşdırma aparılır.
Pediatr Vaqif Qarayev “Sherg.az”a açıqlamasında deyib ki, qızdırmadan ölüm halları ağırlaşma olanda baş verir:
“Qızdırma zamanı vaxtında həkimə müraciət olunmadıqda ağırlaşmalar olur. Körpə uşaqlarda isə yüksək qızdırmadan qıc olmalar da baş verir və belə hallarda ölüm gözlənilir. Belə vəziyyətdə vaxtında həkimə müraciət etmək lazımdır ki, müdaxilə olunsun. Ev şəraitində ilkin tibbi yardım kimi yaşa uyğun dozada nurofen və parasitamol verilə bilər. Lakin iynə qızdırmanı salmaq üçün düzgün seçim deyil. Dərmansız və iynəsiz qızdırmanı salmaq mümkün olmur. Valideynlər həmişə çalışırlar ki, dərmandan sonra qızdırma normaya düşsün. Ancaq qızdırmanın normaya düşməsi də düzgün deyil. Yəni virus öz dövrünü yaşamalıdır. Bilmək lazımdır ki, üç, beş gün ərzində həmin virus ölüb gedəcək. Lakin üç yaşa qədər uşaqlarda qızdırmanın ilk günündən həkimə müraciət olunmalıdır. Böyük yaşlı uşaqlarda isə qeyd etdiyim dərmanlardan istifadə etmək olar. Ümumiyyətlə uşaq daim maye içməlidir. Digər təefdən evdə otağın temperaturunu 40 a çatdırmaq olmaz. Uşağın orqanizmindəki qızdırma ilə ətraf mühitin temperaturu arasında mütləq fərq olmalıdır ki, dərin nəfəs ala bilsin və qızdırma düşsün”.
