Onlayn qəzet

Digər kateqoriyalar

Qərəzli “xidmət”, erməni lobbisinin himayədarlığı: Onları qara gözlərinə vurulduqları üçün saxlamırlar

17:29 29.08.2019 Siyasət 406
“Mühacir müxalifət bütün fəaliyyəti boyu Azərbaycana qarşı çirkin, böhtan və qərəz dolu mübarizə aparıb”. Bunu Sherg.az-a açıqlamasında “İki Sahil” qəzetinin baş redaktoru Vüqar Rəhimzadə deyib. 
Baş redaktor bildirib ki, istər ölkə daxilindəki radikal müxalifət, istərsə də xaricdə məskunlaşan ünsürlər anti-Azərbaycan mövqelərindən heç zaman əl çəkməyiblər: “Radikal müxalifləri xarici ölkələrdə qara gözlərinə vurulduqları üçün saxlamırlar. Məzh qərəzli “xidmət”lərinə görə, erməni lobbisi və anti-Azərbaycan qüvvələr onları himayə edir və maliyyələşdirir. Xaricdəki ünsürlərin fitrəti budur. Onlar öz məqsədlərinə çatmaq üçün mənfur düşmənlə əlbir olmaqdan belə çəkinmirlər, erməni dəyirmanına su tökürlər. Azərbaycana şər-böhtan atır, ədalətdən uzaq və çirkin metodlarla mübarizə aparırlar. Bu baxımdan hörmətli Əli Əhmədovun diqqət yönəltdiyi məsələ tamamilə həqiqətdir. Xaricdəki mühacir müxalifət erməni lobbisinin istəyini reallaşdırırlar”. 
V.Rəhimzadə bildirib ki, onların məqsədi isə Azərbaycanı beynəlxalq aləmdə nüfuzdan salmaqdır: 
“Güclü, qüdrətli və hərtərəfli inkişaf etmiş Azərbaycan işğalçı və kasıb Ermənistanla müqayisə oluna bilməz. Cinayətkar qrupların və terrorun yuva saldığı Ermənistanda hansı demokratiyadan söhbət açmaq olar?! Düşmən ölkə müstəqilliyini itirmiş vassal ölkədir. Azərbaycan isə daim demokratik dəyərələrə önəm verən, bunu həyat prinsipinə çevirən tam suveren dövlətdir”.
Qeyd edək ki, Baş nazirin müavini, YAP-ın icra katibi Əli Əhmədov “facebook” səhifəsində son günlərdə mühacir müxalifətin anti-Azərbaycan təbliğatında yeni bir meylin ortaya çıxdığını yazıb. Baş nazirin müavini qeyd edib ki, Azərbaycanı yerli-yersiz tənqid etmək, müxtəlif yalanlar və böhtanlarla onun imicini zədələmək yolu seçmiş radikal müxalifət və onun mühacir qanadı təbliğat kampaniyasında Ermənistan faktorundan istifadə etməyə başlayıb: “Xüsusilə də mühacir müxalifətin Ermənistanın təbliğatçısı rolunda çıxış etməsi, ən bayağı formada Azərbaycana nümunə göstərməsi onların nə qədər ziyanlı və iyrənc vasitələrdən istifadə etmələrindən xəbər verir. Hətta onlar Ermənistanın “demokratik”, “tərəqqidə olan”, “Azərbaycandan daha üstün” ölkə obrazını yaratmaq naminə yalanlar uydurmaqdan belə çəkinmirlər”.

Yazarın bütün yazılarına bax

Oxşar xəbərlər

post-slider
Biz regionda dayanıqlı sülh istəyirik -RƏY
08:16 24.11.2024
post-slider
Elektrik enerjisi və su təchizatı sahələrində idarəetmə təkmilləşdiriləcək - FƏRMAN
17:49 23.11.2024
post-slider
Azərbaycan cinayətkarların cəzalandırılması məsələsini gündəmə gətirir -ŞƏRH
16:36 23.11.2024
post-slider
Bu şəxslər Prezident tərəfindən təltif edilib - SƏRƏNCAM
16:22 23.11.2024
post-slider
Ankara yolu tez açmağa çalışır  - ŞƏRH
15:30 23.11.2024
post-slider
Cinayət varsa, cəzası mütləq olmalıdır - RƏY
15:28 23.11.2024

Xəbər lenti

Hamısına bax