Onlayn qəzet

Digər kateqoriyalar

Niyaməddin Orduxanlı: "Bunların hamısı sistemli şəkildə erməni lobbisi tərəfindən həyata keçirilir"

17:51 29.08.2019 Siyasət 1499
“Mühacirətdə olan müxalifət açıq şəkildə erməni diasporasının təsiri altındadır”. Bunu Sherg.az-a açıqlamasında BAXCP sədrinin müavini, QHT sədri Niyaməddin Orduxanlı deyib. 
Partiya funksioneri bildirib ki, xaricdəki ünsürlərin maliyyələşməsi bilavasitə və ya dolayı yolla erməni lobbisinin əli ilə həyata keçirilir:  “Düşmən Ermənistanın bizə “nümunə” göstərilməsi təsadüfi deyil. Xaricdəki müxaliflərin aldığı qrantların qaynağı birbaşa ermənilərə gedib çıxır. Ona görə də hər fürsətdə Azərbaycanı qaralamağa çalışırlar. Daha sonra isə ermənilər həmin “azərbaycanlıların” uydurmalarını həm Ermənistanda, həm də xarici ölkələrdə tirajlayırlar. Xüsusi olaraq qabardırlar ki, guya xaricdə olan Azərbaycan vətəndaşları öz ölkələrindəki acınacaqlı durumu etiraf edirlər və s. Bunun təbliğatını apararaq beynəlxalq konfranslarda Azərbaycan əleyhinə materiallar yayırlar. Bunların hamısı sistemli şəkildə erməni lobbisi tərəfindən həyata keçirilir”. 
N.Orduxanlının sözlərinə görə, məqsəd Azərbaycanı nüfuzdan salmaq, ölkəmiz əleyhinə qarayaxma kampaniyası təşkil etməkdir: 
“Ermənilər dünyaya göstərmək istəyirlər ki, guya Azərbaycanda öz vətəndaşları belə bu ölkədə rahat yaşaya bilmirlər. Belə olan halda ermənilər Qarabağda, Azərbaycanın tərkibində yaşaya bilməzlər. Bu cür təxribat isə Ermənistanın və digər düşmən qüvvələrin maraqlarına xidmət edir. Ermənilərlə əlbir olanlar radikal müxalifətin nümayəndələridir. Baş nazirin müavini Əli Əhmədov da məhz onları nəzərdə tutur. Çünki dağıdıcı müxalifətin niyyəti hansı yolla olur-olsun hakimiyyətə yiyələnməkdir. Onlar öz məqsədlərinə çatmaq üçün indi də sosial şəbəkə üzərindən fəaliyyət göstərirlər. Lakin istəkləri heç zaman reallaşmayacaq”. 
Qeyd edək ki, Baş nazirin müavini, YAP-ın icra katibi Əli Əhmədov “facebook” səhifəsində son günlərdə mühacir müxalifətin anti-Azərbaycan təbliğatında yeni bir meylin ortaya çıxdığını yazıb. Baş nazirin müavini qeyd edib ki, Azərbaycanı yerli-yersiz tənqid etmək, müxtəlif yalanlar və böhtanlarla onun imicini zədələmək yolu seçmiş radikal müxalifət və onun mühacir qanadı təbliğat kampaniyasında Ermənistan faktorundan istifadə etməyə başlayıb: “Xüsusilə də mühacir müxalifətin Ermənistanın təbliğatçısı rolunda çıxış etməsi, ən bayağı formada Azərbaycana nümunə göstərməsi onların nə qədər ziyanlı və iyrənc vasitələrdən istifadə etmələrindən xəbər verir. Hətta onlar Ermənistanın “demokratik”, “tərəqqidə olan”, “Azərbaycandan daha üstün” ölkə obrazını yaratmaq naminə yalanlar uydurmaqdan belə çəkinmirlər”.

Yazarın bütün yazılarına bax

Oxşar xəbərlər

post-slider
Biz regionda dayanıqlı sülh istəyirik -RƏY
08:16 24.11.2024
post-slider
Elektrik enerjisi və su təchizatı sahələrində idarəetmə təkmilləşdiriləcək - FƏRMAN
17:49 23.11.2024
post-slider
Azərbaycan cinayətkarların cəzalandırılması məsələsini gündəmə gətirir -ŞƏRH
16:36 23.11.2024
post-slider
Bu şəxslər Prezident tərəfindən təltif edilib - SƏRƏNCAM
16:22 23.11.2024
post-slider
Ankara yolu tez açmağa çalışır  - ŞƏRH
15:30 23.11.2024
post-slider
Cinayət varsa, cəzası mütləq olmalıdır - RƏY
15:28 23.11.2024

Xəbər lenti

Hamısına bax