Onlayn qəzet

Digər kateqoriyalar

Millət vəkili: "Paşinyanın təxribatçı bəyanatları müharibəni qaçılmaz edir"

16:56 30.08.2019 Siyasət 476
“Ermənistanın baş naziri Nikol Paşinyanın son açıqlamaları və sərsəm bəyanatları onun beynəlxalq hüquqdan xəbəri olmadığını və siyasi meydanda təcrübəsiz olduğunu göstərir”. Bunu Sherg.az-a açıqlamasında millət vəkili Azər Badamov deyib. 
Deputat bildirib ki, Dağlıq Qarabağ və onun ətrafında işğal olunmuş 7 rayon Azərbaycan torpaqlarıdır: 
“İşğal altındakı bu ərazilərin Azərbaycana aid olduğunu beynəlxalq ictimaiyyət də tanıyıb. Torpaqlarımızın qeyd-şərtsiz işğaldan azad edilməsi ilə bağılı BMT-nin 4 qətnaməsi qəbul olunub. Digər beynəlxalq təşkilatlarda da qəbul olunmuş qətnamə və qərarlarda da Azərbaycanın ərazi bütövlüyü tanınır. Münaqişənin danışıqlar yolu ilə həll edilməsi üçün ATƏT-in Minsk Qrupunun həmsədrləri vasitəçilik edirlər. Həmsədrlər müəyyən məsələləri razılaşdıraraq danışıqlar prosesini aparırlar. Amma Paşinyanın son bəyanatları Minsk Qrupunun fəaliyyətini heçə endirir. Belə bir fon yaradır ki, o heç kimlə hesablaşmır. Paşinyanın sərsəm bəyanatları onun beynəlxalq təşkilatların fəaliyyətlərini tanımadığını göstərir”. 
Parlament üzvünün sözlərinə görə, Paşinyanın təxribatçı bəyanatları müharibəni qaçılmaz edir: 
“Azərbaycan heç vaxt öz torpaqlarında erməni dövlətinin yaradılmasına imkan verməyəcək. Bu gün Azərbaycanın kifayət qədər iqtisadi və hərbi gücü mövcuddur ki, öz ərazilərini işğalçılardan azad etsin. Lakin Azərbaycan beynəlxalq normalarına və təşəbbüslərinə hörmətlə yanaşdığından danışıqlar prosesində iştirakına davam etdirir. Paşinyanın bir-birinə zidd və danışıqların ruhuna uyğun olmayan təxribatçı açıqlamaları isə Azərbaycana imkan yaradır ki, hərbi gücümüzü işə salaq və ölkəmizin pozulmuş hüquqları bərpa edək. Əslində Paşinyanın ifadələri Ermənistandakı ağır siyasi-iqtisadi durumdan hiddətlənmiş erməniləri sakitləşdirmək mahiyyəti daşıyır. Bütün bunlarla yanaşı, əgər Paşinyan müharibə istəyirsə, biz onu təşkil edəcəyik və bu müharibə münaqişəni kökündən həll edəcək”.

Yazarın bütün yazılarına bax

Oxşar xəbərlər

post-slider
Zelenski Rusiyanı Suriyadan çıxarmaq istəyir
00:58 24.12.2024
post-slider
Ərdoğan: Suriyanın ərazi bütövlüyü Türkiyənin dəyişməz xəttidir
00:50 24.12.2024
post-slider
Xüsusi elçi Trampın Ukrayna siyasətini açıqladı
00:29 24.12.2024
post-slider
Makron Fransanın yeni hökumətinin tərkibini təsdiqləyib
23:25 23.12.2024
post-slider
Paşinyan Sarkisyan və Köçəryanı debata çağırdı
22:00 23.12.2024
post-slider
Qaqauziya rəhbəri Sandunu prezidenti kimi tanımadı
21:42 23.12.2024

Xəbər lenti

Hamısına bax