Süni intellekt insanların işini ələ keçirə bilərmi? Bu sualın cavabı müzakirə olunarkən İngiltərədə də süni intellekt siyasətə qarışıb. O, iyulun 4-də keçirilən seçkilərdə deputatlığa namizəd olub.
Sherg.az xarici mediaya istinadən xəbər verir ki, İngiltərədə 4 iyul seçkilərində ən diqqət çəkən namizədlərdən biri iş adamı Stiv Endakotdur. Endakott süni intellektin yaratdığı deputat namizədi ilə seçkilərə hazırlaşır.
Endakotun yaratdığı süni intellekt parlament seçkilərində qalib gəlsə, bu, dünyada bir ilk olacaq. O, dünyanın ilk süni intellektli deputatı kimi tarixə düşəcək.
İş adamı Stiv Endakotun rəhbərlik etdiyi süni intellekt üzrə deputatlığa namizəd mənzildən tutmuş zibil yığımına, immiqrasiyadan geylərin hüquqlarına qədər müxtəlif mövzularda ideyalar təklif edir və seçicilərlə danışıqlar aparır.
Bəzi seçicilər süni intellektli deputatlar ideyasına müsbət yanaşsalar da, Böyük Britaniya seçki komissiyası süni intellektli deputatlara müsbət baxmır.
Komissiya diqqətə çatdırıb ki, seçkidə süni intellektdən istifadə edən namizədlər qalib gələrsə, süni intellektdən istifadə edən namizəd deyil, həmin namizəd parlament üzvü sayılacaq.
