Azərbaycan Böyük Vətən müharibəsi iştirakçılarına hörmətlə yanaşır və xatirələrini yad edir.
APA-nın xəbərinə görə, bunu jurnalistlərə açıqlamasında Rusiyanın Xəzər Strateji Tədqiqatlar İnstitutunun Baş direktoru İqor Korotçenko deyib.
İqor Korotçenko bildirib ki, Azərbaycanın Qələbədə misilsiz rolu olub: “Bununla bağlı ilk növbədə Azərbaycan nefti qeyd olunmalıdır. O cümlədən yüz minlərlə Azərbaycan əsgəri, zabiti SSRİ ordusunun tərkibində Berlinə qədər döyüşüb. Biz şadıq ki, Azərbaycan Rusiyada Böyük Vətən müharibəsi ilə bağlı təşkil olunan tədbirlərdə iştirak edir. Bunun üçün ilk növbədə Prezident İlham Əliyevə minnətdarıq. Onun atası Heydər Əliyev SSRİ təhlükəsizlik orqanlarının generalı olub, Azərbaycan SSR Dövlət Təhlükəsizlik Komitəsinin sədri olub. Heydər Əliyev peşəkarlığı ilə fərqlənib”.
