Apteklərin icbari tibbi sığortada iştirakı yaxşı xəbərdir -RƏY
Yusif Nəzərli
08:13 01.12.2024
Sosial
623
Bir sıra xəstəliklər var ki, onların müalicəsi, həqiqətən də, böyük vəsait tələb edir
Bu isə vətəndaşları, xüsusən də əhalinin aztəminatlı hissəsi üçün çətindir
Aptek təşkilatları icbari tibbi sığortada iştirak etmək hüququna malik olacaqlar. Bununla bağlı məsələ Milli Məclisdə müzakirə edilən "Tibbi sığorta haqqında" Azərbaycan Respublikasının Qanununa təklif olunan dəyişiklikdə öz əksini tapıb. Layihəyə əsasən, icbari tibbi sığortada iştirak etmək niyyətini bildirən aptek təşkilatları ilə qanunauyğun olaraq müqavilə bağlanılacaq. Sığortaolunanlara aptek təşkilatları tərəfindən ambulator şəraitdə istifadə olunan dərman vasitələrinin buraxılmasına yalnız icbari tibbi sığorta üzrə məlumat bazasına (elektron informasiya ehtiyatına) ötürülmüş resept əsasında yol veriləcək. Müzakirələrdən sonra dəyişikliklər səsverməyə qoyularaq üçüncü oxunuşda qəbul edilib. “Əhalinin sağlamlığının qorunması haqqında” və “Tibbi sığorta haqqında” Azərbaycan Respublikasının qanunlarına təklif edilən digər dəyişikliksə əhalinin dərman vasitələri üzrə xərclərinin minimuma endirilməsi məqsədi daşıyır. Milli Məclisdə müzakirə zamanı qeyd edilib ki, dəyişikliklər əhalinin dərman vasitələrinə olan ehtiyaclarının maliyyə baxımından qarşılanması, əlçatanlığın və keyfiyyətin artırılması, habelə sığortaolunanların maraqlarının qorunmasına hüquqi zəmin yaradacaq. Layihədə vətəndaşlara göstərilən tibbi xidmətlərin təkmilləşdirilməsi və keyfiyyətin yüksəldilməsi, həmçinin əhalinin dərman vasitələrini qiymət dəyişmələrinə qarşı həssaslığının və dərman vasitələri üzrə xərclərinin minimuma endirilməsi məqsədilə bir sıra mühüm və mütərəqqi addımların atılması nəzərdə tutulub. Qeyd olunub ki, qanun layihəsinin qəbulu icbari tibbi sığortanın əsas məqsədlərindən olan əhaliyə keyfiyyətli və əlçatan tibbi xidmətlərin göstərilməsini təmin edəcəkdir. Bundan başqa, layihədə icbari tibbi sığorta üzrə ambulator dərman vasitələrinin kompensasiya şərtləri, icbari tibbi sığorta çərçivəsində təminat verilən ambulator dərman vasitələrinin xidmətlər zərfi ilə müəyyən edilməsi, icbari tibbi sığorta fondu hesabına ambulator dərman vasitələrinin təminatı kimi məsələlər öz əksini tapıb. Müzakirələrdən sonra dəyişikliklər səsverməyə qoyularaq üçüncü oxunuşda qəbul edilib. Xatırladaq ki, Milli Məclisin səhiyyə komitəsinin sədri, akademik Əhliman Əmiraslanov onkoloji xəstəliklərin müalicəsinin və dərman vasitələrinin alınmasının icbari tibbi sığorta ilə qarşılanmasını təklif etmişdi: Onkoloji xəstələrin müalicəsinə çox vəsait tələb olunur. Razıyam. Amma ilk olaraq, bu xəstələrin müalicəsində istifadə olunan dərmanları icbari tibbi sığorta öz öhdəsinə götürməlidir, bu, ilk addım olmalıdır”.
Həkim-terapevt Şahvələd Məmmədov “Sherg.az"a açıqlamasında Milli Məclisdə “Əhalinin sağlamlığının qorunması haqqında” və “Tibbi sığorta haqqında” Azərbaycan Respublikasının qanunlarına təklif edilən dəyişiklikləri mütərəqqi addım adlandırdı:
- Bilirsiz ki, vətəndaşların dərman vasitələrini dövlət hesabına alması məsələsi bundan əvvəl də gündəmə gəlirdi. Bəli, bir sıra xəstəliklər var ki, onların müalicəsi, həqiqətən də, böyük vəsait tələb edir, mütəmadi müalicə gərək olur, bu isə vətəndaşları, xüsusən də əhalinin aztəminatlı hissəsi üçün çətindir. Təklif edilən dəyişikliklərdə apteklərin icbari tibbi sığortada iştirakı nəzərdə tutulur. Bu olarsa, vətəndaşların dərman vəsaitlərini əldə etməsi xeyli asanlaşar. Şəkərli diabet, ürək-damar xəstəlikləri, arterial təzyiq, böyrək çatışmazlığı, qara ciyər yetməzliyi, bronxial astma, allergik xəstəliklər var ki. xroniki hesab edilir və belə xəstəliklər bir dəfəylə müalicə olunan deyil. Mütəmadi, vaxtaşırı müalicə almaq gərəkdir. Bunun üçün də pasiyentlərin mütəmadi dərman preparatlarından istifadə zərurəti yaranır. Sosial-maddi durumu nisbətən aşağı okan vətəndaşlara mütəmadi dərman vastələrini almaq, vaxtaşırı müalicə çətin olur. Amma apteklər icbari tibbi sığortada yer alsalar, vətəndaşların dərmanlara əlçatanlığı da xeyli yüksələr. Belə bir təcrübə inkişaf etmiş ölkələrdə var, bizdə də tətbiq edilməsi gözlənilir. Hesab edirəm ki, bu, çox müsbət addım olar. Əsas məsələ odur ki, icbari sığortada iştirak edən apteklər dərman vasitələrinin konkret hansı tibb müəssisəsi tərəfindən təyin edildiyini və tibbi sığorta paketinə daxil olduğunu biləcək. Çünki reseptlər elektron qaydada təqdim olunacaq. Apteklərin xərci isə icbari sığorta tərəfindən qarşılanacaq.
Oxşar xəbərlər
Xəbər lenti
Hamısına bax
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya