"Vaşinqtonda paraflanan sülh müqaviləsi layihəsində bir cümlədə də olsun "Qarabağ" sözü yoxdur, etnik ermənilərin geri qayıdışına dair tələblər irəli sürülmür. Əksinə, Qələbəmizin legitimliyi qəbul edilir".
Oxu.Az xəbər verir ki, bunu Milli Məclisin üzvü Zahid Oruc parlamentin növbədənkənar sessiyası çərçivəsində keçirilən "Vaşinqton razılaşmaları: sülh diplomatiyasının və müdrik liderliyin təntənəsi" mövzusuna həsr edilmiş xüsusi iclasda deyib.
Deputat bildirib ki, Azərbaycanın qəti mövqeyi ilə ATƏT-in Minsk qrupunun ləğvi - Birinci Qarabağ müharibəsindən sonra işğalı qoruyan monopolist birliyin fəaliyyətinə son qoyulması - əsl müstəqillik hadisəsidir:
"Son 30 ildə heç bir təşkilat fəaliyyətinə könüllü şəkildə xitam verməyib. Mənə elə gəlir ki, SSRİ-nin dağılması yalnız indi başa çatır. Tam və qəti Qələbədən əsl müstəqillik və suverenlik doğulur. Ona görə də İlham Əliyev XXI əsrin milli azadlıq hərəkatının və qalib xalqın lideridir".
Z.Oruc qeyd edib ki, imzalanan sənəddə "Tramp yolu" adlanan Zəngəzur dəhlizinin açılması regionu beynəlxalq münaqişələrin meydanına deyil, əksinə, hər kəsin qazanacağı tranzit qovşağına çevriləcək.
