
Paşinyan seçkilərdə qalib gəlsə, Ermənistanın manevr imkanları artacaq - ŞƏRH
Paşinyan seçkilərdə qalib gəlsə, Ermənistanın manevr imkanları artacaq - ŞƏRH
01:23 01.10.2025
Siyasət
639
“Sülh müqaviləsi və sərhədlərin açılması Rusiyanın Ermənistandakı təsirini zəiflədə bilər”
Rusiyanın 102-ci hərbi bazasının çıxarılması məsələsi Ermənistan və Rusiya arasında ikitərəfli münasibətlərin gündəmində deyil.
“Armenress”in məlumatına görə, bu barədə Rusiya Federasiyasının Ermənistan Respublikasındakı səfiri Sergey Kopırkin bildirib.
Səfir qeyd edib ki, 102-ci hərbi bazanın çıxarılması ikitərəfli münasibətlərin gündəmində deyil: "Ermənistan tərəfi bunu bütün səviyyələrdə açıq şəkildə bəyan edib. Rusiyanın hərbi iştirakı Ermənistanın təhlükəsizlik sisteminin ən mühüm dayağı və regional sabitliyin mühüm amili olaraq qalır. Eyni zamanda, hərbçilərimiz regionda heç kimə heç bir təhlükə yaratmır”.

Milli Cəbhə Partiyasının sədr müavini, siyasi ekspert Məhəmməd Əsədullazadə də Sherg.az-a açıqlamasında deyib ki, Rusiyanın Ermənistandakı 102-ci hərbi bazasının yaxın perspektivdə çıxarılması gözlənilmir. Onun sözlərinə görə, bunun bir neçə səbəbi var:
“Ermənistanda qarşıdan parlament seçkiləri gəlir. Seçki öncəsi siyasi gərginliyin artması ehtimalı var. Bu prosesdə Rusiya hərbi bazası məsələsini gündəmə gətirmək Paşinyan hökuməti üçün riskli ola bilər. Çünki bu, həm ruspərəst qüvvələrin kəskin müqavimətinə səbəb olar, həm də ölkədə siyasi sabitliyi poza bilər. Eyni zamanda Ermənistanın Azərbaycan və Türkiyə ilə münasibətləri də hələ tam normallaşmayıb. Sülh müqaviləsi imzalanmayıb, sərhədlər açılmayıb. Ona görə də indiki vəziyyətdə Rusiyanın 102-ci bazasının çıxarılması ilə bağlı konkret bir addım real deyil”.
M.Əsədullazadə hesab edir ki, əgər növbəti seçkilərdə Paşinyan qalib gələrsə, o zaman Ermənistanın manevr imkanları artacaq:
“Türkiyə ilə sərhədlərin açılması, Azərbaycanla yekun sülhün imzalanması Ermənistanı daha çox Qərbə inteqrasiya etməyə imkan verə bilər. Məhz bundan sonra Rusiya hərbi bazasının çıxarılması gündəmə gələ bilər. Paşinyan əslində Rusiyanın Ermənistandakı hərbi mövcudluğunu dəstəkləmir, amma hazırkı situasiyada onların çıxarılmasına qərar verə bilmir. Ona görə də o, manipulyasiya siyasəti yürüdür: bir tərəfdən Rusiya ilə münasibətləri kəskinləşdirmir, digər tərəfdən daxildə və regionda elə addımlar atır ki, rus təsirini zəiflətsin və neytrallaşdırsın. Ermənistan hələ Rusiya bazasından qurtula biləcək siyasi və geosiyasi vəziyyətdə olmasa da, proseslərin istiqaməti göstərir ki, orta və uzunmüddətli perspektivdə, xüsusilə Paşinyanın mövqeyi güclənərsə, bu, real ola bilər”.
Oxşar xəbərlər
Xəbər lenti
Hamısına bax
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya
Avropa Jurnalistlər Federasiyası Paşinyanı sərt tənqid etdi
16:08 21.11.2026
Siyasət
Milli Parkın ərazisində qanunsuz ov edən şəxs saxlanılıb
15:44 21.11.2026
Ekologiya
Azərbaycan və Vyetnam prezidentlərinin Birgə Bəyanatı qəbul edilib
15:35 21.11.2026
Gündəm
Paşinyan: Sabah TRIPP layihəsinin başlanması rəsmən elan ediləcək
15:05 21.11.2026
Region
Şapka udan məşhur begemot Fiona öldü
14:57 21.11.2026
Hadisə