Böyük Britaniya Bakıda keçiriləcək COP29 BMT iqlim sammitində öz üzərinə əlavə öhdəliklər götürməyi nəzərdən keçirir.
APA xəbər verir ki, bu barədə “The Guardian“ nəşrinin yayımladığı məqalədə deyilir.
Bildirilib ki, Böyük Britaniya hökuməti bu il BMT-nin iqlim sammitində elan olunacaq istixana qazları emissiyalarının azaldılması ilə bağlı əlavə öhdəliklər götürməyi planlaşdırır.
Ümid edilir ki, plan emissiyalarının azaldılması qlobal ambisiyaların başlanmasına kömək edəcək və digər ölkələri də bu addımı atmağa təşviq edəcək.
Yazıda həmçinin qeyd edilib ki, enerji təhlükəsizliyi və "xalis sıfır" emissiyaları üzrə dövlət katibi Ed Miliband yeni hədəfi aylar əvvəl elan etməyə ümid edir və iqlim danışıqlarında Böyük Britaniyanı beynəlxalq səhnədə lider mövqeyə çıxarmağa çalışarkən Baş nazir Keir Starmerin dəstəyini alır.
Keir Starmer COP28-in əvvəlki zirvəsində müxalifətin lideri olduğu vaxt iştirak edib, noyabrda Azərbaycanda keçiriləcək COP29-a dəvət olunub.
