“Valeri Pekres Azərbaycanı qıcıqlandıran kəlmələr işlədib”.
“Report”un Fransa bürosu bildirir ki, bunu Fransa Milli Assambleyasında (Parlament) “İrəliləyən Respublika” partiyasının qrup rəhbəri Kristof Kastaner yerli mediaya müsahibəsində bildirib.
Jurnalistin Valeri Pekresin dövlət başçısından dəstək görməməsinin səbəbləri ilə bağlı sualını cavablandıran siyasətçı Emmanuel Makronun hər zaman ölkənin rəsmi şəxslərini müdafiə etdiyini və bundan sonra da edəcəyini bildirib.
"Fransa prezidentliyinə namizəd, Paris regionunun prezidenti Valeri Pekres Azərbaycanı qıcıqlandıran sözlər deyərək, bunu etməkdə isə tam azad olduğunu qeyd edib", - Kastaner vurğulayıb.
Qeyd edək ki, “İrəliləyən Respublika” Fransa Prezidenti Emmanuel Makronun yaratdığı və seçildiyi siyasi partiyadır.
