“Paşinyan Ermənistanda hərbi vəziyyətin tətbiq olunmasına ehtiyac olmadığını desə də, parlamentdə məsələ gündəmə gətirilib”.
“Sherg.az” xəbər verir ki, bu barədə siyasi şərhçi Asif Nərimanlı deyib.
Analitik vurğulayıb ki, parlamentdə sərhəddə vəziyyətin inkişafına uyğun qərarın verilə biləcəyi istisna edilmir:
“Hərbi vəziyyət elan olunarsa, növbədənkənar parlament seçkiləri təxirə salına bilər. Bu, seçki ilə bağlı risklər fonunda Paşinyan hakimiyyətinə sərf edir. Hakim komanda hökuməti təkbaşına formalaşdıracaq qədər səs toplamaya bilər. Həmçinin, seçkidə qalib gəlsə də, növbəti günlərdə ciddi iğtişaşlar gözləniləndir. Parlamentin formalaşması Rusiyanın istəyinə uyğun olmasa, hakimiyyətin devrilməsi üçün fərqli üsullar gündəmə gələ bilər".
Ekspertin fikrincə, Robert Koçaryanın daşnaklarla ittifaq qurması bu kontekstdə təsadüfi deyil:
"Sərhəddə erməni diversiyasının artması və gərginliyin yüksəldilməsinin seçkiyə hesablanmış hədəflərdən biridir. Hərbi vəziyyətlə bağlı qərarın parlament müxalifətinin də dəstəyi ilə qəbul edilməsi ehtimalı alternativ variant kimi saxlanılır”.
