Millət vəkili: "Pənah Hüseynin üstünə düşdülər ki, sən niyə Fazil Mustafa və Qüdrət Həsənquliyevlə görüşmüsən?"

Ayyət Əhməd 16:15 28.07.2019 Siyasət 686

"Cümə günü keçmiş baş nazir Pənah Hüseyn telefonla arayaraq bir neçə partiya sədrləri ilə birlikdə Azərbaycandakı ictimai-siyasi vəziyyəti müzakirə etməyi təklif etdi və bildirdi ki, görüşdə BAXCP sədri Q.Həsənquliyev, BAP sədri E.Musayev və AMİP sədri A.Əlizadə iştirak edəcək. Bütün mədəni siyasi və elmi müzakirələrə açıq bir şəxs kimi təklifi qəbul etdim və bir kafedə çay süfrəsi arxasında gilas mürəbbəsinin də müşayəti ilə maraqlı müzakirə apardır. Yəni siyasi kimliyi olan bir neçə azərbaycanlı oturub bir arada normal, səmimi ölkəmizin daxil və xarici durumunu müzakirə etdik. Nə yeni bir təşkilat yarandı, nə kimsə-kimsəyə yumruq atdı, nə hansısa təşkilatın və şəxsin əleyhinə danışıldı. Bir saata iki çaynik çay istehlak edərək ayrıldıq".
Sherg.az bildirir ki, bu sözləri Böyük Quruluş Partiyasının sədri, millət vəkili Fazil Mustafa, müxalif düşərgənin bir neçə partiya lideri ilə görüşü ilə bağlı danışarkən deyib: "Sonda Pənah bəy söylədi ki, bu qeyri-rəsmi söhbətləşmə barədə sosial şəbəkədə və mətbuatda bilgi vermək istəyir, orada olan partiya sədrlərindən kimsə buna etiraz etmədi. Sonra Pənah bəy bu görüş barədə öz profilində qısa bir mətn içində bilgi yazdı. Yəni bura qədər hər şey yolunda getdi. Bəs sonra nə oldu? O oldu ki, Azərbaycanda cəhalətin, nadanlığın, danabaşlığın yalnız dini sferada baş alıb getmədiyi, həm də siyasi sferada tüğyan etdiyi üzə çıxdı. İçində qondarma professoru, siyasət bilicisi və başqa kateqoriyadan olanlar rəy yazaraq düşdülər Pənah bəyin üzərinə ki, bəs sən niyə Milli Məclisdə təmsil olunan mənimlə və Qüdrət bəylə görüşmüsən? Allah-allah, bu ölkədə həqiqətən keçinin qoturu özünə sığışdırıb bulağın gözündən su içmək istəmir! Bu nə düşüncə, bu nə anlayış! Başqa xalqlar deyirlər ki, siyasətçilərimiz bir araya gəlib mədəni müzakirə aparsınlar, ölkənin problemlərindən çıxış yolları axtarsınlar, bunlar isə əksinə, deyirlər ki, niyə bir-birinizə düşmən olmursunuz. Sonra da hakim partiyaya irad bildirirlər ki, niyə müxalifətlə dialoq aparmır. Bu cür xəstə müxalifətçiliyin daşıyıcıları olan yerdə bu müzakirə necə aparıla bilər? İnanın ki, bəndəniz istər iqtidarda, istər müxalifətdə, istər də siyasətdən uzaq fəaliyyəti olan hər hansı bir azərbaycanlı görəndə həvəslə müzakirə aparıram ki, ölkəmizin gələcəyi üçün hamımız birlikdə necə hərəkət edə bilərik? Cahil, nadan iqtidarçı və ya müxalifətçi görəndə məyus oluram ki, birdən bunların sayı daha çox olar və ölkəmizin gələcəyini sağlam təməldə qurma arzularımız gerçəkləşməyə bilər. Düzsünüzsə, dürüstsünüzsə, yalandan müxalifətçi donuna girib başınızı illər boyu boşuna girələməyin, iqtidarlı-müxalifətli Azərbaycana bağlı insanlarla dialoqdan imtina etməyin, ölkəmizi gözləyən xarici və daxili təhlükəyə qarşı vətəndaş fəallığı göstərin, göstərməsəniz belə, azərbaycanlılar arasında barışmazlıq baryerlərini aradan qaldırmağa çalışanlara heç olmazsa mane olmayın. Milli Məclisdə təmsil olunmağa gəldikdə isə, bir şey deyə bilərəm ki, bütün platformalarda yalnız öz mövqeyimi- doğruluğuna əmin olduğum, milli maraqlarımız üçün zəruri hesab etdiyim, vətəndaşımızın dərdinə az-çox məlhəm ola biləcək mövqeyi sərgiləyirəm. Ağıllı insanlara bunun əlavə şifrəsini açmağa gərək varmı? Bütün səmimi dialoq aparanların içdiyi çaylar nuş olsun!".
Qeyd edək ki, iyulun 26-da bir qrup partiya sədri əvvəlcədən planlaşdırılmış növbəti qeyri rəsmi görüşündə ölkənin qarşılıqlı maraq doğuran məsələləri, ö cümlədən "Köklü islahatlarla dəyişikliklərə doğru" təşəbbüsü çərçivəsində başladılmış siyasi proseslə bağlı vəziyyət və sonrakı addımları müzakirə edib. Digər siyasi partiya rəhbərləri ilə görüşlər barədə qarşılıqlı məlumat mübadiləsi olub. Bu tip təmasların davamlılığının faydalı olduğu qeyd edilib. Görüşdə AMİP sədr əvəzi A. Əlizadə, BQP sədri F.Mustafa, BXCP sədri Q. Həsənquliyev, BAP sədri E. Musayev iştirak ediblər. Bu görüşlə bağlı sosial şəbəkələrdə Pənah Hüseynin ünvanına tənqidlər səsləndirilib.

Ayyət Əhməd

Yazarın bütün yazılarına bax

Digər kateqoriyalar

Millət vəkili: "Pənah Hüseynin üstünə düşdülər ki, sən niyə Fazil Mustafa və Qüdrət Həsənquliyevlə görüşmüsən?"

Ayyət Əhməd

Xəbər lenti

Hamısına bax

Rusiya-Ukrayna müharibəsində qüvvələr nisbəti dəyişir: “Fərq xeyli azalıb”

Uşaqla nikah bağlamadan ailə qurmaq erkən evlilik sayılacaq

Küləkli hava şəraiti ilə bağlı sarı və narıncı xəbərdarlıq verildi

Azərbaycanın Sankt-Peterburuqdakı sabiq Baş konsulunun işi məhkəmə baxışına verildi

ASELSAN Naxçıvanda zavod açacaq

Hikmət Hacıyev Litva səfiri ilə ikitərəfli münasibətləri müzakirə edib

Prezident İlham Əliyev “ADEX 2026” və “Securex Caspian” sərgiləri ilə tanış olub - YENİLƏNİB

Hərbi sənayedə hədəf dəyişir: Elektronika və pilotsuz sistemlər ön plana çıxır - ŞƏRH

“Real”ın müdafiəçisi əməliyyat olunacaq

İranın Gürcüstandakı səfiri XİN-ə çağırıldı

Türkiyə Azərbaycan üçün 14 ədəd "HÜRKUŞ-2" təyyarəsi istehsal edəcək

İranın Hörmüz rıçaqı: “Qərb dövlətlərinə qarşı güclü təsir mexanizmi yaradır” - ŞƏRH

Kərim Vəliyevlə İran generalı hərbi əlaqələri müzakirə ediblər

Pul çıxarmağa məhdudiyyət: “Rusiyada işləməyə olan maraq azalacaq" - ŞƏRH

Azərbaycanda “SİQR” pilotsuz quru robotu istehsal edilib - FOTO

Tiflisdə Heydər Əliyevin büstünü zədələyən erməni tutuldu

MDB xarici işlər nazirləri Şurasının iclası keçiriləcək

Azərbaycanın “VAŞAQ” zirehli əməliyyat maşını ilk dəfə nümayiş etdirilib

Ombudsmanın aylıq maaşı 12 minə qaldırılır

Hərbçilərin maaşı artırılır

Hulusi Kılıç: Qardaşlar arasındakı münasibətlər sarsılmazdır - AÇIQLAMA

İşçinin əli aparatda qaldı, 3 barmağı amputasiya olundu

Dövlət qulluqçuları ilə bağlı qanun ilk oxunuşdan keçdi

Pensiyaların indeksasiya mexanizmi təkmilləşdirilir

MTK-lar da "QAN İÇİR": “Vətəndaşlarla istədikləri kimi davranırlar”

Erməni bacılar Bakıya gəldi - VİDEO

Prezident İlham Əliyev Birləşmiş Krallığın müdafiə üzrə dövlət nazirini qəbul edib

Sahibə Qafarova düz deyir, yoxsa Ceyhun Məmmədov? - Sosioloq aydınlıq gətirdi

KİV: Dubaydan Təl-Əvivə uçan daha bir sərnişin təyyarəsi geri dönüb

20 yaşlılar da infarkt riski ilə üz-üzə: Həkim enerji içkilərinin təhlükəsindən danışdı

Digər kateqoriyalar

Millət vəkili: "Pənah Hüseynin üstünə düşdülər ki, sən niyə Fazil Mustafa və Qüdrət Həsənquliyevlə görüşmüsən?"

Oxşar xəbərlər

Xəbər lenti