Kosmik məkan bir sıra ölkələrin milli maraqları üçün getdikcə daha vacib hala gəlir, bu səbəbdən münaqişə və böhranlara səbəb olacaq gərginlik artacaq.
“Report” xəbər verir ki, bu fikri ABŞ Kosmik Qüvvələrinin komandanı general Çens Zaltsman Mitçell adına Aerokosmik Tədqiqatlar İnstitutu tərəfindən təşkil edilmiş seminarda səsləndirib.
“Kosmos bir çox ölkələrin milli maraqları üçün getdikcə daha vacib hala gələcək, bu da [ABŞ-nin] qarşılaşmalı olacağı gərginlik, münaqişə və böhranlar yaradacaq”, – o bildirib.
Zaltsmanın sözlərinə görə, bu səbəbdən Birləşmiş Ştatlar bu çağırışlara cavab verməyə hazır olmalıdır.
“Hesab edirəm ki, biz elə bir trayektoriyadayıq ki, bu (kosmik məkan – red.), gələcəkdə hərbi əməliyyatların ciddi bir hissəsinə çevriləcək, buna görə də mən əmin olmaq istəyirəm ki, ABŞ Kosmik Qüvvələri düzgün yoldadır və bu çağırışlarla qarşılaşmağa hazırdır”, – Pentaqon nümayəndəsi açıqlayıb.
