Bəzi hərbi analitiklərin iddiasına görə, Rusiya Ukraynaya hücumlarında istədiyi irəliləyişi əldə edə bilməyib. ABŞ rəsmiləri Rusiyanın planlarında dəyişiklik gördüklərini bildirirlər.
“Sherg.az” xəbər verir ki, “The Wall Street Journal”ın araşdırmasına görə, Rusiya prezidenti Vladimir Putin taktikasını dəyişdirib. ABŞ rəsmilərinin fikrincə, Moskva indi Kiyevə Rusiyanın cənub və şərq ərazilərindəki iddialarını qəbul etməsi üçün təzyiq göstərmək niyyətindədir. 2014-cü ildə həm Krımı, həm də Donbas bölgəsinin bir hissəsini ələ keçirən Rusiya indi Qərbi Rusiya ilə Krım arasında “quru körpü” yaratmağa və Rusiyanın bütün Donbas bölgəsi üzərində nəzarətini genişləndirməyə çalışır.
Ekspertlərin fikrincə, Ukraynanın şiddətli bombardmanı həm də Putinin Zelenskini NATO və ya Avropa Birliyinə üzv olmaq planlarından əl çəkməyə, neytral qalmağa və Qərbə qoşulmamağa razı salmaq üçün təzyiq taktikası kimi görünür. Bəzi analitiklər Ukrayna Rusiyanın tələblərini qəbul etməkdən imtina edərsə, Kremlin öz qüvvələrinə indiyədək zəbt etdiyi bütün əraziləri nəzarətə götürmək əmri verəcəyini düşünür. Rusiyanın bu “B planı” münaqişənin həftələrlə, bəlkə də aylarla uzanması ilə nəticələnə bilər.
Mütəxəssislərin fikrincə, Putinin Ukraynanı tez bir zamanda ələ keçirmək planı baş tutmadığından o, indi mühasirəyə alma taktikasına keçid edib.
