““M” tipli raket Rusiyanın Ermənistandakı 102-ci bazasında belə yoxdur. Çünki bu raket kompleksi Rusiya üçün silah növündən daha çox təbliğat vasitəsidir”.
Bu barədə BAXCP sədrinin müşaviri, politoloq Azər Qasımov deyib.
Məsələ barədə “Sherg.az”a danışan A. Qasımov baş verənlərdən ən çox Moskvanın əziyyət çəkəcəyini düşünür:
“Rusiya sözügedən raketi hara aparırsa, öncədən reklam edir. Məsələn, Avropaya təzyiq lazım olan kimi nümayişkaranə şəkildə “İsgəndər M”i Kalininqrada yerləşdirdi. Beləliklə, Avropa həmin dəqiqə bir-birinə qarışır, əl-ayağa düşür, geri addım atır. Ona görə də Ermənistanda Rusiyanın rəsmi şəkildə tipindən asılı olmayaraq “İsgəndər” yerləşdirməsi Türkiyə üçün bir növ təhdidir, ona qarşı hərbi mesajdır. Bu baxımdan Ermənistana verilən “E” adı ilə olsa da, əslində elə "M" tipli raketdir. Ermənilər də bundan istifadə ediblər. İndi bundan Kremlin xəbərinin olub-olmamasının məsələyə aidiyyəti yoxdur. Çünki Rusiya özü-özünü tələyə salıb və məsələyə aydınlıq gətirməyə borcludur”.
