Rusiyanın hücumlarından sonra ölkəmizin enerji sisteminin bərpası üçün yardıma çox ehtiyacımız var.
APA xəbər verir ki, bunu jurnalistlərə açıqlamasında Ukraynanın Azərbaycandakı səfiri Yuri Husyev bildirib.
O deyib ki, ölkəsi Azərbaycan tərəfinin humanitar dəstəyini yüksək qiymətləndirir.
“Mən bu yardıma görə Prezident İlham Əliyevə, Azərbaycanın Energetika Nazirliyinə, Xarici İşlər Nazirliyinə təşəkkür edirəm. Rusiyanın hücumlarından sonra ölkəmizin enerji sisteminin bərpası üçün yardıma çox ehtiyacımız var. Biz bunu çox yüksək qiymətləndiririk və heç vaxt unutmayacağıq. Yaşasın Ukrayna! Yaşasın Azərbaycan!”, - diplomat qeyd edib.
