CHP-də namizəd seçimi prosesi özü ilə mübahisələr gətirsə də, partiya daxilində ilkin seçkisiz bələdiyyə başçı namizədlərinin müəyyənləşdirilməsi reaksiyalara səbəb olub.
Keçmiş CHP millət vəkili Barış Yarkadaş İstanbulda 39 rayon bələdiyyə başqanı namizədinin İBB sədri Əkrəm İmamoğlu tərəfindən müəyyən edildiyini və İmamoğlunun Ankaraya da siyahı göndərdiyini bildirib.
Sherg.az türk mediasına istinadən xəbər verir ki, 25 və 26-cı dövr CHP millət vəkili Barış Yarkadaş "TV100"-də qatıldığı proqramda CHP-də namizəd seçim prosesi ilə bağlı açıqlamalar verib. Yarkadaş İstanbulda bütün rayon prezidentliyinə namizədlərin Əkrəm İmamoğlu tərəfindən müəyyən edildiyini iddia edib.
Yarkadaş proqramdakı çıxışında beleə deyib: CHP-nin İstanbulda 300 min üzvü var. Türkiyə daxilində 1 milyon 480 min üzvü var. Kadıköydə 20 min üzv var. Kadıköyü kimin idarə edəcəyinə bu 20 min adam qərar verəcək, yoxsa CHP daxilindəki 20 nəfər?
Keşmiş CHP millət vəkili Əli Özcanın da çağırışı var: 'ilkin seçki' olsun deyir. Belə bir demokratiya olarmı? Sizin rayonunuzu kim idarə edəcək bilmirsiniz. Sənin söz haqqın yoxdur, ancaq səs verməni xahiş edirlər. Niyə Əkrəm bəy ilkin seçki istəmədi? Çünki ilkin seçki olsaydı, istəmədikləri adamlar Türkiyənin müxtəlif yerlərində, İzmirdə, Ankarada, Mersində, Antalyada namizəd olardılar. İndi Əkrəm bəy 39 rayonun hamısını müəyyən etmək istəyir. O, dünən axşam Ankaraya siyahı göndərib. Onu 39 rayon qane etmir, həm də bələdiyyə şurasının ilk 5 yerini müəyyənləşdirmək istəyir. Onda partiya məclisi hanı, MİK hanı, əyalət idarəsi hanı, orqanları hanı?
Nə Dəniz Baykal, nə Tayyib Ərdoğan, nə də Necmettin Erbakan 39 mahalı öz başına yazmayıb.
