Azərbaycanda altıgünlük bayram tətili başlayıb. Ölkədə 8 noyabr Zəfər Günü, 9 noyabr Bayraq Günüdür.
Hazırda ölkədə bayram günü ilə əlaqədar olaraq insanların əksəriyyəti rayonlarda dincəlməyi üz tutublar.
Bəs insanların çoxluğu ilə bağlı bölgələrdə qiymətlər hansı aralıqdadır? Artımlar müşahidə edilirmi?
Mövzu ilə bağlı fikirlərini bölüşən turizm eksperti Ceyhun Aşurov "Sherg.az" bildirib ki, bayram günü ilə əlaqədar olaraq ardıcıl qeyri iş günləridir:
“İnsanların bir qismi öz evlərində dincəlir, digər qismi isə regionlara üz tutublar. Rayonlarda istirahətlərini edirlər. Deməzdim ki, rayonlarda həddən artıq yüklənmə var. Qiymətlərdə böyük, ciddi dəyişikliklər hiss olunmur. Əksinə otellər müəyyən kampaniyalara başlayıblar ki, öz vətəndaşlarımızı daha çox cəlb edə bilsinlər. Nəzərə alsaq ki, COP29 ərəfəsində gələn əcnəbilərin əksəriyyəti tədbirlə əlaqədar gəlirlər. Yəni onlar regionlara səfərləri o şəkildə etmirlər. Çünki əvvəl normal turistlər səyahətlərinin bir qismini Bakıda, digər qismini isə regionlarda keçirirdilər. Üçumiyyətli görürük ki, o seqmentdən olan turistlər hazırda yoxdur. Ona görə də regionlarda ciddi şəkildə sıxlıq yaranmayıb. Bizim yerli vətəndaşlarımızın regionlara səfərləri mövcuddur. Bu isə qiymətin əlavə artımına imkan vermir”.
