“Yay tətilinin ləğvinə heç bir əsas yoxdur. Uşaqların istirahət hüquqlarını əllərindən almayacağıq”.
"Sherg.az" xəbər verir ki, bunu Təhsil nazirinin müavini Məhəbbət Vəliyeva “Yeni” TV-nin canlı yayımında bildirib.
O qeyd edib ki, ötən illərdən fərqli olaraq, bu il vəziyyətlə əlaqədar şagirdlər yay tətillərini düzgün qiymətləndirməlidirlər:
“Şagirdlərin hüquqlarını tanıyırıq. Əvvəlki illərdən fərqli olaraq, şagirdlərimiz və tələbələrimiz yay tətilini düzgün dəyərləndirsinlər. Onlar yay tətilində istirahətlə yanaşı, təhsillə məşğul olmağa kifayət qədər zaman ayırmalıdırlar”.
