Alimlər Marsda zamanın Yer kürəsinə nisbətən daha sürətli olduğunu təsdiq ediblər.
Teleqraf xəbər verir ki, bu fərq Marsın daha zəif cazibə qüvvəsi səbəbindən gündə orta hesabla 477 mikrosaniyə təşkil edir. Bu dəqiq zaman fərqini bilmək gələcək astronavt missiyalarının Marsa və planetlərarası rabitə sistemlərinə sinxronlaşdırılması üçün vacibdir.
Bu fərq gələcəkdə insan tədqiqatları üçün risk yaradır.
Albert Eynşteynin Nisbilik Nəzəriyyəsi göstərir ki, bir bölgədə zamanın axma sürəti həmin bölgədəki cazibə qüvvəsindən asılıdır. Cazibə qüvvəsinin güclü olduğu yerlərdə saatlar daha yavaş, zəif olduğu yerlərdə isə daha sürətli işləyir. Buna görə dağlarda yaşayan insanlar dəniz səviyyəsində yaşayanlara nisbətən bir qədər daha tez qocalırlar.
Marsda zamanın sürətlənməsinin iki əsas səbəbi var:
Marsın səthində cazibə qüvvəsi Yerin cazibə qüvvəsindən beş dəfə zəifdir. Bu, Marsda zamanım daha sürətli axmasına səbəb olan ən böyük amildir.
Planetin orbital sürəti artdıqca zaman axını da sürətlənir. Marsın orbital sürəti Yerinkindən daha yavaş olsa da, zəif cazibə qüvvəsinin sürətləndirici təsiri bu yavaşlamanı əsasən boğur.
