Hökumət bu təklifi həyata keçirmək üçün 10 milyon dollar büdcə ayırıb
İsveç hökuməti ibtidai və orta məktəblərdə ağıllı mobil telefonların istifadəsini qadağan edir.
Sherg.az xəbər verir ki, İsveçin təhsil naziri Simona Mohamsson ölkənin rəsmi radiosu SR-ə açıqlamasında bildirib ki, 2026-cı ildən etibarən ölkə üzrə bütün ibtidai, orta və lisey məktəblərində ağıllı mobil telefonların istifadəsi qadağan olunacaq.
Mohamsson, qərarın 2026-cı ildə qüvvəyə minəcəyini və qadağanın dərs fasilələrində də tətbiq ediləcəyini qeyd edib.
Nazir həmçinin hökumətin bu təklifi həyata keçirmək üçün 10 milyon dollar büdcə ayırdığını vurğulayıb:
“Şagirdlər Tiktok-a girib vaxtlarını israf etməkdənsə, fasilələrdə dostları ilə vaxt keçirməyi və ya futbol oynamaqdan zövq almağı öyrənməlidirlər.”
Qeyd edək ki, Almaniya, İngiltərə və Fransa da məktəblərdə ağıllı telefon qadağası tətbiq edən digər ölkələrdir.
