Yaxın Şərqdə ciddi eskalasiyaya doğru yeni addım atılıb. Yəməndə müharibə başlayır.
Bunu Stenford Universitetinin siyasi elmlər doktoru Artur Xaçikyan deyib.
“Artıq müharibədə Livan, Suriya və İraq iştirak edir. Növbəti dayanacaq və ən mühüm hədəf – İrandır. İranın müdaxiləsi ilə bütün bölgə partlayacaq. Türkiyə və Azərbaycan yaranmış vəziyyətdən öz xeyrinə istifadə edəcək”, - o idda edib
Xaçikyanın sözlərinin nəyə hesablanması və Yaxın Şərqdə gedən bu münaqişələrin Azərbaycana necə təsir göstərəcəyi ilə bağlı “Sherg.az”ın sualını cavablandıran Sosial Tədqiqatlar Mərkəzinin sektor müdiri, politoloq Tural İsmayılov bildirib ki, erməni ekspertlərin açıqlamalarında adətən gerçəklər təhrifə məruz qalır:
“Ona görədə Ermənistanın ictimai siyasi rəyində olan hansısa şərhlər və praqnozlar çox zaman spekülasiyadan o tərəfə keçmir. Amma faktiki olan odur ki, bu gün Yəməndə ciddi müharibə başlayıb. Artıq ABŞ la Böyük Britaniya kualisiyası Husi obyektlərinə qarşı zərbələr endirir. Bu əlbəttə ki, Qırmızı dəniz böhranından sonra baş verən hadisədir. Bundan əvvəl İran HƏMAS ı qızışdırdı daha sonra İsrail HƏMAS qarşıdurmasında geri addım ataraq, HƏMAS a ciddi dəstək göstərmək imkanı olmadığını bildirdi. Hazırda da Yəməndəki Husilər, Livandakı Hizbullah və digər qüvvələridə İran qızışdırır. Lakin İranın onlara köməklik göstərmək gücü yoxdur”.
Politoloq Artur Xaçikyanın açıqlamalarının regionla bağlı yeni sensasiya yaratmağa xidmət etdiyini vurğulayıb:
“Onun sözlərinin real bir əsasının olduğunu düşünmürəm. Ümumiyyətə yaxın Şərqdə gedən münaqişələr bütün dünyaya iqtisadi baxımdan çox ciddi təsir göstərir. Azərbaycan hər zaman öz sərhədlərini qoruyan, ölkələrlə münasibətlərində balanslı xarici siyasət həyata keçirən ölkədir. Rəsmi Bakı dünyada gedən siyasi katakilizmlərə qarşı rasional qərarlar qəbul etmə qabiliyyətinə görə xüsusi seçilir. Bu baxımdan Yaxın Şərqdə baş verən hadisələrin Azərbaycana təsiri olmayacaq”.
