Ölkəmizin ərazisndə yaradılmış Şərq-Qərb nəqliyyat dəhlizi Çindən çıxan yüklərin Avropaya qədər daha da az vaxta daşınmasına yol açır
Azərbaycan Prezidenti İlham Əliyev Çinin CGTN (China Global Television Network) telekanalına müsahibəsində bir sıra mühüm mətləblərə toxunub.
Dövlət başçısı müsahibəsində Azərbaycan-Çin münasibətləri, Azərbaycanın şaxələnmiş xarici siyasəti və Orta Dəhlizin potensialından da bəhs edib.
Bir-birinə strateji tərəfdaş kimi yanaşan və qarşılıqlı maraqlarını ön plana çəkən Azərbaycanla Çin arasında münasibətlər son illər xüsusən iqtisadi və ticarət sahəsində daha da inkişaf etməkdədir. Prezident İlham Əliyev də müsahibəsində Çin və Azərbaycanın strateji tərəfdaşlıq münasibətlərinə diqqət çəkib: “Ötən il Çin və Azərbaycan rəsmi olaraq strateji tərəfdaş oldular. Ötən yay mənim Çinin Sədri ilə görüşümdən sonra strateji tərəfdaşlıq üzrə müvafiq Bəyannamə qəbul edildi və bu bizim ikitərəfli əlaqələrdə çox mühüm siyasi addımdır. Strateji tərəfdaşlıq çox yüksək səviyyəli qarşılıqlı etimad, əməkdaşlıq deməkdir və biz təkcə Ümumdünya Ticarət Təşkilatına deyil, müxtəlif beynəlxalq təşkilatlara qoşulma məsələsi daxil olmaqla Çin ilə tərəfdaşlığımızın genişləndirilməsini arzulayırıq.”
Milli Məclisin deputatı Azər Badamov "Sherg.az"a bildirib ki, dövlət başçımızın qeyd etdiyi kimi Axərbaycan Çin münasibətləri strateji tərəfaşlıq səviyyəsinə qalxıb:
"Azərbaycan Çinin elan etdiyi Bir kəmər bir yol layihəsinə qoşularaq ölkə ərazisndə inşa etdiyi nəqliyyat dəhlizləri ilə töhfə verib. Ölkəmizin ərazisndə yaradılmış Şərq-Qərb nəqliyyat dəhlizi Çindən çıxan yüklərin Avropaya qədər daha da az vaxta daşınmasına yol açır. Məhz Prezident İlham Əliyevin uzaqgörən siyasəti ilə icra olunmuş beynəlxalq dəhlizlərə bu gün maraq artır. Bu da mövcud dəhlizlərin genişləndirlməsini aktuallaşdırıb. Belə ki, Beynəlxalq Ticarət Limanın yükaşırma gücü 15 milyon tondan 25 milyon tona artırılır. Həmçinin BTQ dəmir yolu genişləndilərək yük keçirmə qabiliyyətini 1 milyon tondan 5 milyon tona çatdırılıb".
Parlamentari vurğulayıb ki, məqsədimiz təkcə tranzit nəqliyyat daşımalardan gəlir götürmək deyil, həm də nəqliyyat dəhlizləri üzərində yeni müəssiələr yaratmaqla iqtisadiyyatımızı gücləndiririk:
"O, cümlədən, Xəzər dənizin dibi ilə çəkiləcək Yaşıl dəhliz layihəsinə Çinin də qoşulacaq və Qara dənizin dibi vasitəsilə çəkiləcək dəhlizlə ümumi Yaşıl dəhliz layihəsi də Avropaya qədər uzanacaq. Azərbaycan Çinlə yaşıl günədliyin inkişaf etdirlməsində də yaxından əməkdaşlıq edir. Belə ki, günəş və külək elektrik stansiyaları üçün texnologiyalar Çindən idxal olunur. Bu isə ölkəmizin yaşıl enerji potensialının reallaşdırmasına dəstək verir. Ümumiyyətlə Azərbaycanın Çin vətəndaşlara vizasız keçidin yaradılması Çindən ölkəmizə turist axınını sürətləndirəcək və xalqlarımızn da bir-birinə yaxınılaşmasına yol açacaq".
