Hacıqabulda dozadan artıq narkotik maddə qəbul edən kişi ölüb.
Oxu.Az xəbər verir ki, hadisə rayonun mərkəzində qeydə alınıb.
Rayon sakini, 1993-cü il təvəllüdlü İsmayılov Amil Azad oğlu narkotik maddəni dozadan artıq qəbul etdiyindən vəziyyəti pisləşib və ətrafdakılardan onu xəstəxanaya çatdırmağı xahiş edib. Onun köməyinə Samid Minəxanov gəlsə də, A.İsmayılov yolda vəfat edib.
Meyitə baxış keçirilərkən onun üzərində heç bir xəsarət izi aşkarlanmayıb.
Qeyd edək ki, A.İsmayılov əvvəllər də narkotik maddələrin qanunsuz dövriyyəsində təqsirləndirilərək bir il müddətinə azadlıqdan məhrum edilib.
Faktla bağlı araşdırma aparılır.
