Diqqəti əsas məsələlərdən yayındırmaq üçün ölkədə Azərbaycan qorxusu yaradırlar
"Ermənistan hökuməti bəzi Qərb ölkələrinin və beynəlxalq qurumların, xarici medianın dəstəyi ilə məqsədyönlü şəkildə anti-Azərbaycan kampaniyası aparır".
Sherg.az xəbər verir ki, bu barədə Azad Vətən Partiyasının sədri Akif Nağı deyib.
A.Nağının sözlərinə görə, erməni tərəfi iddia edir ki, guya, Azərbaycan Ermənistana "hücuma" hazırlaşır, Zəngəzuru ələ keçirmək istəyir:
"ABŞ-də fəaliyyət göstərən Lemkin İnstitutu saxta bəyanatla çıxış etmişdi ki, guya, Azərbaycan bölgədə təhlükə yaradır, Ermənistan ərazisinə girməyi planlayır və s. Ona görə də bunun qarşısını almaq, Bakıya sanksiya tətbiq etmək lazımdır. Ermənistan və onun dəstəkçiləri bu uydurma məsələ ətrafında hay-küy salıblar. Ermənistan baş naziri, o cümlədən digər rəsmilər vaxtaşırı ölkə daxilində həyəcan yaratmaq, nəzər-diqqəti başqa istiqamətə yönəltmək məqsədilə bu cür sərsəm iddialarla çıxış edirlər. İrəvan hökuməti çıxılmaz vəziyyətdədir, iqtisadi, hərbi cəhətdən çökmüş durumdadırlar. Paşinyan və hökumət üzvləri ictimaiyyətin diqqətini əsas məsələlərdən yayındırmağa səy göstərirlər. Həm də beynəlxalq təşkilatların diqqətini regiona yönəltməyə çalışırlar. Məqsəd Bakıya təzyiqlərin göstərilməsinə nail olmaqdır. Əfsuslar ki, beynəlxalq qurumlar da həqiqətin, reallığın fərqinə varmadan erməni yalanlarının təbliğatçısına çevrilirlər".
