“Azərbaycan və Ermənistan arasında yaşanan yeni gərginlik heç bir halda Rusiyanın diqtəsi deyil”.
Bu sözləri hərbi-siyasi ekspert Həşim Səhrablı deyib.
O, “Sherg.az”a açıqlamasında fikirlərini belə izah etdi:
“Birincisi, Rusiya hazırda Cənubi Qafqazda yeganə sülhməramlı missiya adı ilə özbaşınalıq edən tək ölkədir. Halbuki beynəlxalq sistem Qarabağda heç bir halda tək ölkənin sülhməramlı missiyada iştirak edə bilməyəcəyini tələb edir. Rusiya hazırda regionun əsas söz sahibi olan hegemon ölkədir. Regionda vəziyyətin mürəkkəbləşməsi onun maraqlarına zərbə vuracaq.
İkincisi, Azərbaycan Türkiyə ilə hərtərəfli müttəfiqdir. Türkiyə isə Rusiyanın əsrlərdir və indi də əsas rəqibidir. Ankara Bakının sırf Moskvanın maraqlarına xidmətini qəbul etməz və buna icazə verməz.
Üçüncüsü isə rəsmi Bakı artıq 1990-cı illərin zəif və dəstəksiz Bakısı deyil. Biz dünyada kifayət qədər tərəfdaş, müttəfiq qazanmışıq.
Beynəlxalq təşkilatlar Azərbaycanın hüquq və qanunlara olan hörmətini görüb. Bakı kifayət qədər güclüdür, silahları da müasirdir və iqtisadiyyatı davamlıdır.
KTMT və Rusiyanın mümkün olacaq müharibədə birbaşa Ermənistanı dəstəkləməsi məsələsi isə sadəcə KTMT blokunun parçalanması, Rusiyanın ağır məğlubiyyətə düçar olması ilə bitəcək”.
