BMT-nin Qida və Kənd Təsərrüfatı Təşkilatının “2020-ci il Dünya Qida Təhlükəsizliyi və Bəslənmə Vəziyyəti Hesabatı”na əsasən, 2014-cü ildən bəri aclıqdan əziyyət çəkənlərin sayı durmadan artıb.
“Sherg.az” “Ntv.com”a istinadən bildirir ki, hesabatda tədbir görülməsə, 2030-cu ilədək ən azı 840 milyon insanın yeməksiz qala biləcəyi vurğulanıb. 21-ci əsrdə bir çox amil insanları vərdişlərini dəyişdirməyə və ya keçmiş vərdişlərinə qayıtmağa məcbur etdi. Dünyadakı hər kəsin həyatının son 1.5 ilinə təsir edən koronavirus epidemiyası qlobal iqlim dəyişikliyi, quraqlıq, aclıq və su ehtiyatlarında azalma kimi mövzuları gündəmdən düşməz hala gətirdi. Beynəlxalq Toxum Federasiyasının (ISF) məlumatına görə, keyfiyyətli toxum məhsul və məhsul təhlükəsizliyini artırır. Kiçik təsərrüfatçıların öz bizneslərini inkişaf etdirməsinə və gəlir əldə etməsinə imkan verən keyfiyyətli toxum da yoxsulluğun azaldılmasına kömək edir.
Qida israfını azaltmaq üçün davamlı toxumlar
Belə toxumlar böyümək üçün daha az su tələb edir. Təkmilləşdirilmiş davamlı toxumlar üçün az yer lazımdır. Torpağın çevrilməsini və meşələrin kəsilməsini azaldır, eyni zamanda daha çox böyüməyə imkan verir və daha az ekoloji iz qoyur. İsrafçılıq və insanların ac qalma ehtimalını əsas gətirən İSF bildirib ki, dövlət və özəl sektorda olanlar da daxil olmaqla qida təchizatı zəncirindəki hər kəsin iqlim dəyişikliyi, zərərvericilər və xəstəliklər kimi problemlərə qarşı əməkdaşlıq etməsi lazımdır.
