"İstiqlal savaşında Türkiyəyə Azərbaycanın qardaş köməyi" adlı konfrans keçiriləcək
Oktyabrın 25-də, saat 12:00-da Azərbaycan Türk Ocağı İctimai Birliyi və Atatürk Mərkəzinin birgə təşkilatçılığı ilə "İstiqlal savaşında Türkiyəyə Azərbaycanın qardaş köməyi" adlı konfrans keçiriləcək.
Azərbaycan Türk Ocağının sədri, tarix üzrə fəlsəfə doktoru Akif Aşırlı "Sherg.az"a açıqlamasında bildirib ki, konfrans Türkiyə Cümhuriyyətinin quruluşunun 100 illik yubileyinə həsr olunacaq.
A.Aşırlının sözlərinə görə, Atatürk Mərkəzində keçiriləcək tədbirdə Türkiyənin Azərbaycandakı fövqəladə və səlahiyyətli səfiri Cahit Bağçı, millət vəkilləri, tarixçi-alimlər, media nümayəndələri və tələbələr iştirak edəcəklər.
Elm adamları Türkiyə Cümhuriyyətinin qurtuluş mübarizəsində Azərbaycanın yardımları barədə maraqlı məruzələrlə çıxış edəcəklər.
