Mingəçevir su anbarının qadağan olunmuş ov vasitələrindən təmizlənməsinə başlanılıb.
Bu barədə Ekologiya və Təbii Sərvətlər Nazirliyinin mətbuat xidmətindən məlumat verilib. Bildirilib ki, su hövzələrinin sintetik torlardan və qadağan olunmuş digər ov vasitələrindən təmizlənməsi məqsədilə növbəti tədbir oktyabrın 22-də Mingəçevir su anbarında keçirilib.
8 saylı Regional Ekologiya və Su Nəqliyyatında Polis idarələrinin əməkdaşlarının keçirdiyi reyd zamanı Mingəçevir su anbarının bir hissəsi balıqların ovlanması üçün qurulan qadağan olunmuş ov vasitələrindən və sintetik torlardan təmizlənib.
Mingəçevir su anbarında və digər su hövzələrində reydlər davam etdirilir.
