“Azərbaycan NATO ölkəsi olur”.
Bu sözləri Sosial Tədqiqatlar Mərkəzinin mətbuat xidmətinin rəhbəri, beynəlxalq məsələlər üzrə ekspert Əziz Əlibəyli deyib.
O, “Sherg.az”a açıqlamasında məsələyə daha ətraflı daha aydınlıq gətirdi:
“Bu, təkcə NATO-nun tamhüquqlu üzvü olması kimi başa düşülməməlidir.
NATO keyfiyyətli, NATO standartlarına cavab verən və bu təşkilatın üzvü olan ölkə, yəni Türkiyə ilə əməkdaşlıq özü çox şeydən xəbər verir. İkinci bir tərəfdən, NATO-nun, xüsusilə Türkiyənin bölgədə yaratdığı yeni dizaynın əsas iştirakçısı məhz Azərbaycandır. Bu reallığı unutmaq olmaz. İndi qarşımızdakı ən strateji məsələ ordumuzun NATO standartlarına uyğun formalaşmasıdır. “Şuşa bəyannaməsi”nə uyğun olaraq Azərbaycan və Türkiyənin hərbi əməkdaşlığının təsdiqlənməsi də çox mühümdür. Bizim NATO üzvü olan rəsmi Ankara ilə müttəfiqliyimiz NATO “çətiri altına” girməyimiz deməkdir”.
