Ermənistanda Nikol Paşinyan hakimiyyətini bərpa etdikdən dərhal sonra təxribatlar başlandı. Əvvəlcə yanğınlar törədildi, sonra isə atəşkəs pozuldu. Ağdamdakı provokasiyası isə səbrimizin tarıma çəkilməsi deməkdir. Balıq yaddaşlı ermənilər, deyəsən, 44 günlük müharibənin niyə başlandığını və necə bitdiyini artıq unudublar.
Qarabağ qazisi, hərbi jurnalist Rey Kərimoğlu “Sherg.az”a açıqlamasında bildirdi ki, düşmənə bunu xatırlatmağın vaxtıdır:
“Ermənilərin atəş açdığı yerlərdə yaşayış yoxdur. Onlar dağın başında post qurublar. Həmin ərazilər bizim üçün strateji cəhətdən təhlükəlidir. Üstəgəl, 10 noyabr üçtərəfli bəyannaməsinə əsasən erməni silahlıları ərazidən çıxmalı idilər. Amma bu, baş vermədi. Deməli, bizim düşmənin atəş açdığı yerləri susdurmağa, nəzarətə götürməyə tam hüququmuz var. Bundan sonra nəyi necə etmək lazım olduğunu anlayacaqlar”.
