Alimlər Yupiterdəki nəhəng siklonların Yer okeanlarına bənzər mexanizmə malik olduğunu müəyyən ediblər.
Sherg.az xəbər verir ki, Yupiter Yerdən 452 milyon mil uzaqdadır və 11 dəfə böyükdür, lakin ən azı bir baxımdan oxşardır.
Planetin bədnam fırtınalarının arxasında duran bəzi geofiziki qüvvələr Yerdəki kimi davranırlar. Yeni araşdırmalar göstərir ki, planetin qütb bölgələrində şiddətli fırtınalar Yer atmosferində və okeanda oxşar proseslərdən qaynaqlanır.
San Dieqo Universitetinin Scripps Okeanoqrafiya İnstitutunun fiziki okeanoloqu Lia Siegelman iki planet arasındakı əlaqəni ilk dəfə 2018-ci ildə müşahidə edib.
O, Yerin okean turbulentliyinin təsvirləri ilə Yupiterin bəzi nəhəng qasırğaları arasında oxşarlıqlar tapıb.
Fizikada hava və su hər ikisi maye sayılır, ona görə də okeanın fiziki dinamikasını Yupiter kimi qaz nəhənginə tətbiq etmək mümkündür. Alimlərin fikrincə, Yupiter əsasən qaz okeanıdır.
NASA-nın Juno kosmik gəmisi tərəfindən çəkilmiş Yupiter siklonlarının yüksək ayırdetməli infraqırmızı təsvirləri təhlil edilib.
Onlar Yupiterin fırtınalarını saxlamağa kömək edən Yerdə baş verənə bənzər bir konveksiya növü tapıblar.
Sigelman, buludların üfüqi küləyin sürətini hesablayaraq, Yupiterdəki soyuq cəbhələrin və ya fırtına cəbhələrinin Yer okeanı və atmosferindəki cəbhələrə bənzər davrandığını başa düşüb.
"Cəbhələrin və konveksiyanın Yer və Yupiterdə mövcud və təsirli olması heyranedicidir" deyən Siegelman, bu proseslərin digər göy cisimlərində də baş verə biləcəyini əlavə edib : "Bu fiziki mexanizmlərin yer üzündə də olduğunu kəşf etməyin kosmik gözəlliyi var".
