![](/photos/sherg/2015-09-06-17-17-55tyyyuuu.jpg)
Cari ilin yanvar-avqust aylarında 931 min Azərbaycan vətəndaşı Gürcüstana səfər edib. Azərbaycanlılar Gürcüstana gələn xarici ölkə vətəndaşları sırasında ikinci yerdədirlər.
AzərTAc xəbər verir ki, bu barədə Gürcüstanın Daxili İşlər Nazirliyi məlumat yayıb. Məlumatda bildirilir ki, səkkiz ayda Gürcüstana 3,9 milyon xarici vətəndaş gəlib və onların 916 mini turist olub. Ölkəyə gələnlər arasında Türkiyə, Rusiya və Ukrayna vətəndaşları da çoxluq təşkil edirlər.
Turizm Gürcüstan iqtisadiyyatında mühüm yer tutur. Bu sahədən əldə olunan gəlir ümumi daxili məhsulun 7 faizinə bərabərdir.