1918-ci il 31 mart tarxində erməni daşnaklarının bolşeviklərlə birgə azərbaycanlılara qarşı həyata keçirdiyi soyqırımın il dönümü ilə bağlı Türkiyənin İzmir şəhərində anım tədbiri və konfrans təşkil olunub.
Sherg.az xəbər verir ki, tədbir Azərbaycan Qardaşlıq və Əməkdaşlıq Cəmiyyəti tərəfindən keçirilib. Mərasim soyqırımda həyatlarını itirənlərin xatirəsinin bir dəqiqəlik sükutla yad edilməsilə başlayıb.
Cəmiyyətin sədr müavini Cavid Əliyev tədbirdə iştirak edənlərə təşəkkür edərək, ermənilərin zaman-zaman Azərbaycan xalqına qarşı dəfələrlə soyqırım törətdiyini, bu soyqırımları ən qanlı şəkildə yerinə yetirdiklərini billdirib
"Bunun ən bariz nümunəsi Quba soyqırım məzarlığında aşkar edilən insan sümüklərinin aşkar edilməsidir. Sümüklər üzərində olan zorakılıqlar və vəhşiliklər ermənilərin soyqırım siyasətinin bariz nümunəsidir. Bu tədbirləri təşkil etməkdə məqsəd xalqımıza qarşı edilən bu soyqırımların unutdumamaqdır”.
Yığıncaqdan sonra konfrans formatında davam edib. Konfransı Ege Üniversitetinin tarix ixtisasında magistratura təhsilini davam etdirən Odər Eləzadə verib.
O, video və şəkillərdən də istifadə edərək soyqırıma qədər olan mərhələləri və soyqırımda etmənilərin həyata keçirdikləri qətliam və vəhşilikləri xronolojik olaraq göstərib.
Konfrans sonunda tədbirdə iştirak edənlər çıxışçıya suallar ünvanlayıblar Eyni zamanda, bu günlə bağlı olaraq fikir və düşüncələrini bölüşüblər.
Tədbirdə siyasi partiyalar, qeyri-hökümət təşkilatlarının sədr və nümayəndələri, cəmiyyətin üzvləri, universitet müəllim və tələbələr iştirak ediblər.
