"Ermənistanın fəaliyyəti yalnız beynəlxalq aləmi popurist fikirlərlə aldatmaqdan ibarətdir”.
Bunu "Sherg.az”a Ermənistanda daxili sabitliyin pozulmasından danışarkən millət vəkili Rauf Əliyev söyləyib.
O vurğulayıb ki, son illərdə 50-60 minə qədər insan Ermənistan ərazisini tərk edib:
"Belə vəziyyətdə Ermənistan necə inkişaf edə bilər? Azərbaycanla Ermənistanı tərəzinin bir gözünə heç vaxt qoymaq olmaz. Azərbaycan inkişaf edir, yalnız paytaxtda deyil, regionlarda da sosial layihələrini gücləndirir.
Hansı ölkədə bu qədər inkişaf, mədəniyyət tədbirləri həyata keçirilir ? Heç Avropa ölkələri bu qədər sürətlə inkişaf etmir.
Ümumən ölkə kimi Ermənistanda hansısa bir inkişafdan söhbət gedə bilməz. Ona görə, insanlar da narazılığını bildirir, mitinqlər, etirazlar keçirir. Erməni anaları, övladları müharibədə ölənlər Ermənistan hakimiyyətini günahlandırır.
Azərbaycan ordusunda vəziyyətin yüksək səviyyədə olduğunu hər kəs bilir. Amma Ermənistanda nə ordu, nə insanların sosial şəraiti lazımi səviyyədədir. Erməni hakimiyyətini isə xalq maraqlandırmır. Yeni "seçilən” erməni prezidentin ölkəni necə idarə edəcəyi də məlum deyil. İstənilən halda Ermənistanla bağlı yaxın vaxtlarda müsbət nə isə gözlənilmir”.
Aysel Aslan
