ABŞ prezidenti Barak Obama ABŞ yığmasının kapitanı Filip Dempsi və qapıçı Tim Hovarda zəng edib.
anspress xəbər verir ki, Obama Dünya Çempionatında Belçika ilə qarşılaşan ABŞ millisinin uğurlu çıxışına görə bu iki futbolçunu təbrik edib. Futbolçuların göstərdikləri oyuna və komandanın turnirdə sərgilədiyi yaxşı oyuna görə təşəkkürlərini bildirib.
Ağ Evdən bildirilib ki, Obama futbolçulara tək meydançada gördükləri işlərə görə deyil, ölkəni qürurlandırdıqları üçün də minnətdarlığını çatdırıb.
ABŞ müdafiə naziri Hagel də qapıçı Tim Hovarda zəng edərək təşəkkürünü bildirib. Nazir qapıçı Hovardı və bütün komandanı Pentaqona dəvət edib. Hegel Hovardla zarafat da edib: "Bir az məşqlə bir gün gerçək müdafiə naziri ola bilərsən".