"Dünyanın ən iri treyderləri neftin qiymətində ciddi artım gözləmir”. Bu barədə "SOCAR Trading SA” şirkətinin rəhbəri Arzu Əzimov bildirib. Onun sözlərinə görə, neft-qaz sektorunda fəaliyyət göstərən şirkətlər 2014-cü ildən (neft ucuzlaşmağa başlayandan) etibarən milyardlarla dollar həcmində investisiyalardan imtina edib:
"Problem ondadır ki, qiymətlər artmağa başlayan kimi, ABŞ şirkətləri hasilatı artırmağa başlayır. Buna görə, qiymət diapazonu 40-50 dollar, maksimum 55 dollar ətrafında dəyişir”. Qurum rəhbərinin fikirlərini şərh edən iqtisadçı-ekspert Oktay Haqverdiyev də qeyd edib ki, neftin qiymətinin qalxıb-enməsi ABŞ-dan asılıdır: "Amma bizim Vaşinqtona təsir mexanizmimiz yoxdur. Azərbaycan ABŞ-a necə təsir göstərə bilər ki? Biz onlara neftin qiymətini stabil saxlaması və ya azaltması barədə göstəriş verə bilmərik. Azərbaycanın neft bazarında xüsusi çəkisi bir faiz də deyil. Amerikanın öz siyasəti var. Nə istəyir, onu da edir. A.Əzimovun məlum iddiası elə təəssürat yaradır ki, guya, ABŞ bizim düşməndir. Və məhz Azərbaycana görə belə addım atır. Ancaq bu, belə deyil. Bu iddianın heç bir əsası yoxdur”.
Ekspert sonda neftin qiymətinə dair də proqnozlar verdi: "Bu ilin sonuna qədər neftin qiyməti 40-50 dollar arasında dəyişəcək. Gələn isə tamam başqa bir mənzərənin şahidi olacağıq. Amma o vəziyyətlə bağlı konkret bir söz deyə bilmərəm. Bütün məsələləri araşdırıram”.
Ayyət Əhməd
