"İndi 1990-cı illərin əvvəli deyil ki, hay-küylə, küçə əqidəsi ilə hakimiyyətə qarşı nəysə edə biləsən. Azərbaycan hüquqi-demokartik dövlətdir. Ölkəmizdə bütün proseslər hüquqla, qanunla tənzimlənir. Sənətindən, peşəsindən, siyasi mənsubiyyətindən asılı olmayaraq , kimsə qanunu pozubsa, o adam mütləq qanun qarşıısnda cavab verir. Bu məsələlər hay-küylə, şər-böhtanla, təziqlə yox, qanunla tənzimlənir. Mehman Hüseynov da Azərbaycanın qanunlarını pozduğuna görə, həbs olunub".
Bunu "Sherg.az" M.Hüseynovla bağlı anti-milli şəbəkə və onun xaricdəki havadarlarının apardığı qarayaxma kampaniyasına münasibət bildirərkən millət vəkili Elman Məmmədov deyib.
Parlament üzvünün sözlərinə görə, M.Hüseynov olayı ilə bağlı qarayaxma xarakterli yazı yazan "Vaşinqton Post" qəzetinin ölkəmizə qarşı "qara-piar" kampaniyası həmişə olub, bu gün də davam edir:
"Bu, sadəcə qərəzdir. Adıçəkilən qəzet ABŞ-la Meksikanın arasına çəkilən divardan,i l ərzində Latın Amerikası vətəndaşlarının başına gətirdiklərindən, Suriyada öldürdükləri minlərlə günahsız insanlardan, İraqı dağıtmalarından , Əfqanistanda törətdikləri qanlı vəhşilikdən yazsın. Bu qəzetin yazmalı olduğu çox şey var, amma nədənsə həmişə Azərbaycanı hədəf alır. Belə xırda-para məqamlardan istifadə edib, ölkəmizə təzyiq göstərmək istəyirlər. Təəssüf hissi ilə demək istəyirəm ki, anti-Azərbaycan mərkəzlər "sapı özümüzdən olan baltalar"dan istifadə edirlər.
Çünki bu baltaları onlar maliyyələşdirir, onlar təlimatlandırır. Tək Amerika deyil, digər Avropa ölkələri də buna qoşulub. Ədliyyə Nazirliyi hay-küyçülərin dediklərini, təkzib edib. Mehmanın səhhətinin normal olduğunu açıqlayır. Amma bu hay-küyçülər yenə də öz "işlərini" davam etdirirlər.Uzun illərdən bəri olduğu kimi, bu da növbəti şər-böhtan kampaniyasıdır. Bu da yaxın günlərdə iflasa uğrayacaq. Azərbaycan isə özünün beynəxalq aləmdəki nüfuzunu bundan sonra da yüksəldəcək. Belə şər-şəbədə ilə Azərbaycanın imicinə zərbə vura bilməzlər".
Ayyət Əhməd
