"Avropa Şurasında (AŞ) erməni lobbisi və onlara dəstək verən qüvvələr Azərbaycana qarşı informasiya müharibəsi aparır”.
Bunu "Sherg.az”a Avropa Şurası ilə Azərbaycan arasında problemlərin həlli barədə danışarkən millət vəkili Asim Mollazadə deyib.
Deputat bildirib ki, Azərbaycanın AŞ-ı tərk etməsi təşkilatın özü üçün mənfi amildir:
"Azərbaycan da bu platformadan istifadə edərək həqiqətləri Avropa ictimaiyyətinə çatdırır. Əminəm ki, müvafiq diskussiyalar nəticəsində problemlər aradan qaldırıla bilər”.
Qeyd edək ki, Avropa Şurasının Bakı ofisinin rəhbəri, səfir Zoltan Harnyeşin sözlərinə görə, bu ayın sonuna kimi təşkilat və Azərbaycan arasında problemlərin həllinə dair böyük gözləntilər var.
Aysel Aslan
