Onlayn qəzet

Digər kateqoriyalar

ATƏT sədrinin İrəvanda girovların məsələsini qaldıracağına inam var

20:12 02.06.2015 Arxiv 460
Amma bu çağırışın müsbət nəticə verəcəyi inandırıcı görünmür




ATƏT-in fəaliyyətdə olan sədri, Serbiyanın xarici işlər naziri İvitsa Daçiç İrəvanda Ermənistan tərəfindən girov götürülmüş Dilqəm Əsgərov və Şahbaz Quliyevin azad olunması məsələsini qaldıracaq. Bu barədə Daçiç xarici işlər naziri Elmar Məmmədyarovla görüşdən sonra keçirilən mətbuat konfransında deyib. Amma Daçiçin verdiyi söz ölkə ictimaiyyəti tərəfindən səmimi qəbul olunmayıb.

Çünki əksəriyyət hesab edir ki, ATƏT sədri münaqişə və girovlarla bağlı qeyri-müəyyən fikirdədir. Məsələni şərh edən Qarabağ Azadlıq Təşkilatının sədri Akif Nağı deyib ki, Daçiçin söz verdiyi kimi Ermənistanda məsələni qaldıracağına ümid etmək olar. Amma bu çağırışın müsbət nəticə verəcəyi inandırıcı görünmür: "Məncə, ATƏT-in sədri Minsk Qrupunun həmsədrlərindən iri ranqlı deyil. Çünki qrupdakı üç həmsədr dünyanın güclü dövlətlərini təmsil edir. Bildiyimiz kimi, bu günə kimi ABŞ və Rusiya faktiki olaraq girovların azadlığı ilə bağlı Ermənistana müraciət ediblər. Amma bu çağırışlar və bəyanatlar səmimi deyildi. Onlar Ermənistana təzyiq göstərmək istəmirlər. Əgər istəsəydilər, işğalçı dövləti çox asanlıqla sülhə məcbur edərdilər. Deməli, həmin dövlətlərin hamısı birbaşa və ya dolayı yolla Ermənistanın tərəfindədir”. A.Nağı bildirib ki, indiki status-kvo Rusiya ilə yanaşı, Qərb dövlətlərinin də maraqlarına uyğundur: "Qərb dövlətləri xristian ölkəsi olan Ermənistanın regionda güclənməsində maraqlıdırlar. Bu səbəbdən onlar girovlar məsələsinə xırda problem kimi baxırlar. Başqa məsələlərdə də ATƏT prinsipial mövqe tutmur. Daçiç mətbuat konfransında çox qeyri-ardıcıl və zəif mövqedən çıxış etdi. O, Serbiya rəsmisi kimi Azərbaycanın ərazi

bütövlüyünü dəstəkləsə də, ATƏT-in sədri olaraq qeyri-müəyyən ifadələr səsləndirdi. Daçiç formal olaraq Ermənistanda girovlarla bağlı məsələni gündəmə gətirsə belə, ermənilər yüzlərlə bəhanə gətirərək mövzudan yayınmağa çalışacaqlar. Bu baxımdan inanmıram ki, ATƏT-in sədri ciddi şəkildə məsələnin üzərində dursun”.

İsmayıl

Oxşar xəbərlər

İlham Əliyevin Ankara səfəri bütün gərginliyi aradan qaldıracaq - Mehman Əliyev
İlham Əliyevin Ankara səfəri bütün gərginliyi aradan qaldıracaq - Mehman Əliyev
16:24 22.10.2026
Rusiya və İranın Azərbaycana tranzit ehtiyacı artır - Tofiq Zülfüqarov
Rusiya və İranın Azərbaycana tranzit ehtiyacı artır - Tofiq Zülfüqarov
16:10 09.10.2026
Azərbaycanda bədəlli əsgərlik sistemini tətbiq etmək yanlışdır - ŞƏRH
Azərbaycanda bədəlli əsgərlik sistemini tətbiq etmək yanlışdır - ŞƏRH
17:32 16.09.2026
ABŞ maliyyə naziri: Tramp İranla bağlı dünya liderlərinə müraciət edib
ABŞ maliyyə naziri: Tramp İranla bağlı dünya liderlərinə müraciət edib
01:48 25.08.2026
RƏZALƏT: Ermənistana yanacaq daşıyan azərbaycanlılar - VİDEO
RƏZALƏT: Ermənistana yanacaq daşıyan azərbaycanlılar - VİDEO
16:38 05.11.2025
"Range Rover" 55 ildən sonra loqosunu yenilədi
"Range Rover" 55 ildən sonra loqosunu yenilədi
01:40 11.07.2025

Xəbər lenti

Hamısına bax