Avropa Yayım Birliyi (AYB) Ermənistan təmsilçisinin birinci yarımfinal mərhələsi zamanı gözləmə otağında qondarma "Dağlıq Qarabağ Respublikası”nın "bayrağı”nı dalğalandırmasını pisləyib.
APA-nın məlumatına görə, qurumun bəyanatında bu cür hadisələrin "Eurovision” mahnı müsabiqəsinin adına mənfi təsir göstərəcəyi bildirilir.
Nəzarət qrupu qaydalara əsaslanaraq Ermənistanın yayım hüququ olan "AMPTV”yə qarşı sanksiya tətbiq etməyi qərara alıb. Sanksiyanın nəticəsi qrupun iyunda keçiriləcək iclasında müəyyən olunacaq.
