"Martın 15-də Azərbaycanın paytaxtı Bakı şəhərində "İnklüziv cəmiyyətlərin qurulması üşün fərqliliklərin aradan qaldırılması” mövzusunda VI Qlobal Bakı Forumu işə başlayıb. Forumun açlış mərasimində Azərbaycan Respublikasının Prezidenti möhtərəm İlham Əliyev cənabları və Azərbaycan Respublikasının I vitse-prezidenti Mehriban xanım Əliyeva iştirak edib".
Bu barədə "Sherg.az"a millət Vəkili Rauf Əliyev bildirib. Onun sözlərinə görə, forumda Albaniyanın, Makedoniyanın, Moldovanın Prezidentləri, Türkiyənin Baş Naziri, Xarici işlər naziri, bir çox ölkələrdən yüksək vəzifəli şəxslər, ümumilikdə 50-dən çox ölkədən 500-dək nümayyəndə o cümlədən Nizami Gəncəvi Beynəlxalq Mərkəzin üzvü olan sabiq dövlət və hökumət başçıları, beynəlxalq təşkilatların rəhbərləri, tanınmış ictimai-siyasi xadimlər, alimlər iştirak edirlər".
Millət vəkili onu da əlavə edib ki, Prezident İlham Əliyev tədbirdə maraqlı nitq söyləyib:
"İlk dəfə olaraq 2013-cü ildə Cənub Qafqaz Formu, 2014-cü ildə Qlobal Açıq Cəmiyyətlər Forumu kimi keçirilən bu Beynəlxalq tədbir 2015-ci ildə III, 2016-cı ildə IV, 2017-ci ildə V Qlobal Bakı Forumu adı altında keçirilmişdir.
Keçirilən Qlobal Bakı Forumlarında dünyanı narahat edən müxtəlif sosial, mədəniyyət, incəsənət, ədəbiyyat və digər sahələri əhatə edən məsələlər müzakirə olunur.
Bu Forumların və digər Beynəlxalq tədbirlərin Bakıda, Azərbaycanda keçirilməsi bir daha göstərir ki, Azərbaycan bütün dünyada yüksək nüfuza sahib bir ölkədir və Azərbaycan artıq mühüm Beynəlxalq tədbirlərin keçirildiyi Platformaya çevrilmişdir.
Bu Azərbaycanda həyata keçirilən hərtərəfli düşünülmüş müdrik siyasətin nəticəsidir".
Ayyət Əhməd
