"Bakı-Tbilisi-Qars (BTQ) Turizmin inkişafı baxımından əhəmiyyətli olacaq”.
Bunu "Sherg.az”a iqtisadçı-ekspert Vüqar Bayramov deyib.
O bildirib ki, turistlər bu dəmir yolundan istifadə etməklə daha ucuz qiymətə səyahət imkanı əldə edəcəklər:
"Nəzərə alsaq ki, BTQ həm Türkiyə, həm Gürcüstan, həm də Azərbaycan ərazisindən keçəcək, bu, üç ölkə arasında sərnişinlərin rahat səyahətinə imkan verir.
Avropalılar dəmir yolundan istifadə etməklə rahat şəkildə Azərbaycana gələ biləcək. Bunun bir özəlliyi var ki, dəmir yolu xəttinin fəaliyyəti ilə nəqliyyat turizmi də inkişaf edəcək.
Dəmir yolu tariflərinin hansı şəkildə olacağı isə xərclər müəyyənləşdikdən sonra məlum olacaq. Istənilən halda tariflər yüksək olmamalıdır və hər kəs üçün əlçatanlığını qorumalıdır. Mövcud qiymətlər bütün istifadəçilərin istifadəsinə imkan verməlidir.
Bununla BTQ-dan daha çox sərnişin istifadə edər və bu layihə turizmin inkişafına tövhə verər”.
Aysel Aslan
