Daxili İşlər Nazirliyi Bakıda avtomobilin 2 piyadanı vurması hadisəsi ilə bağlı məlumat yayıb. Lent.az nazirliyin mətbuat xidmətinə istinadən xəbər verir ki, noyabrın 5-də saat 19 radələrində Xəzər rayonunun Buzovna qəsəbəsi ərazisində paytaxt sakini Həsən Cəfərov idarə etdiyi "Mercedes” markalı avtomobillə yolu keçən həmyerliləri Zərifə Hüseynovanı və Rəhilə Məcidovanı vurub.
Nəticədə piyadalar xəstəxanaya yerləşdirilib, R.Məcidovaya ilkin tibbi yardım göstərildikdən sonra buraxılıb.
Z.Hüseynova isə noyabrın 6-da orada ölüb.
Xəzər RPİ tərəfindən araşdırma aparılır.
*****
10:09
Bakıda avtomobil yolu keçməyə çalışan qadınları vurub. Lent.az xəbər verir ki, hadisə Xəzər rayonunun Buzovna qəsəbəsindən keçən Zuğulba prospektində baş verib. "Mercedes" markalı, 99 FB 223 dövlət qeydiyyat nişanlı avtomobil sürətlə hərəkərdə olarkən 60-65 yaşlı iki qadını vurub. Onlardan biri hadisə yerində ölüb, digəri xəstəxanaya çatdırılıb.
Araşdırma aparılır.
