Böyük Britaniya Müdafiə Nazirliyinin Partlayıcı Maddələrə qarşı Mübarizə İdarəsinin (CEDE) nümayəndəsi Azərbaycana gəlib.
“Report” xəbər verir ki, bu barədə Böyük Britaniyanın Bakıdakı səfiriliyi məlumat yayıb.
“Ötən cümə günü Kəlbəcərdə baş verən faciəvi hadisə bir daha bizə partlamamış mina və hərbi sursatlarının yaratdığı dağıdıcı humanitar riski xatırlatdı. Bu gün Birləşmiş Krallığın Müdafiə Nazirliyinin Partlayıcı Maddələrə qarşı Mübarizə İdarəsinin mütəxəssisi Britaniyanın ANAMA-ya münaqişənin bu ölümcül qalıqları ilə mübarizədə necə kömək edə biləcəyini araşdırmaq məqsədi ilə Azərbaycana səfər edib”, - məlumatda qeyd edilib.
