"Qarabağ” bu gün Çempionlar Liqasının II təsnifat mərhələsində ilk oyununu keçirib.
Apasport.az saytının məlumatına görə, Ağdam təmsilçisi "Kukesi” ilə qarşılaşıb.
Qurban Qurbanovun yetirmələri ilk sınağına Albaniyada çıxıb. Görüş 0:0 hesablı bərabərliklə başa çatıb. Bir həftə sonra baş tutacaq cavab oyunu öncəsi səfərdən sərfəli nəticə ilə dönən ağdamlılar turu keçmək üçün doğma meydanda qələbə qazanmalıdır.
İlk raundda Sloveniya "Olimpiya”sını qol buraxmadan (1:0, 0:0) keçən "Qarabağ” yenilənmiş heyəti ilə son illərin uğurlarını təkrarlamaq iddiasındadı. Ardıcıl 4 dəfə avrokubokların qrupuna düşən çempionumuz 3 dəfə Avropa Liqası, ötən il Çempionlar Liqasına əsas raunda yüksəlib.
Çempionlar Liqası
II təsnifat mərhələsi
İlk oyun
25 iyul
"Kukesi” (Albaniya) – "Qarabağ” (Azərbaycan) - 0:0
Şkoder. Loro Boriçi stadionu
